“PSJ” Neymarni sotib yuborishga qaror qildi

“PSJ” Neymarni boshqa jamoaga qo‘yib yuborishga tayyor.

Agarda yaxshi taklif bo‘lsa, Parij klubi 30 yoshli braziliyalik futbolchini sotib yuborish istagida.

Neymarning o‘zi “PSJ” qolishni xohlaydi. U yana yangi darajaga chiqa olishiga ishonmoqda, deb yozadi jurnalist Adrien Grenye.

Avvalroq, “PSJ” “Barselona”ga Neymarni sotib olishni taklif qilgani xabar qilingandi.

Neymar 2017-yildan buyon parijliklar sharafini himoya qilib keladi. “PSJ” hujumchi uchun “Barselona”ga 222 million yevro to‘lab bergan edi. Braziliyalikning amaldagi shartnomasi 2025-yilda o‘z nihoyasiga yetadi. Hujumchi 2021/22-yilgi mavsum Fransiya chempionatida 22 ta o‘yinda maydonga tushib, 13 ta gol va 6 ta golli uzatmaga mualliflik qildi.