FVV Mo‘ynoqdagi qamishzorlarda yuz bergan yong‘in haqida ma’lumot berdi

Mo‘ynoq tumanida joylashgan qamishzorlarda yong‘in yuzaga kelgani haqida xabar berilgan edi. Favqulodda vaziyatlar vazirligi holat yuzasidan ma’lumot berdi.

Qayd etilishicha, 17-may kuni soat 20:00 da Mo‘ynoq tumani, “Zaliyev” ko‘lidagi qamishzorda yong‘in bo‘layotgani to‘g‘risida Mo‘ynoq tumani Favqulodda vaziyatlar bo‘limiga xabar kelib tushgan.

Yong‘inga yong‘in qutqaruv ekipajlari soat 20:40 da yetib borib, 21:05 da yong‘in bartaraf etilgan (Yong‘in o‘chirish qismidan yong‘in sodir bo‘lgan manzilgacha masofa taxminan 30 kilometrni tashkil etadi). Hodisa oqibatida  “Zaliyev” ko‘lida 0,5 gektar maydonda qamishzor yongan.

Ayni vaqtda yong‘inning sababi aniqlanmoqda.

Bundan avval holatga munosabat bildirgan Qoraqalpog‘iston Respublikasi Ekologiya qo‘mitasi qamishzorlar bo‘yi suv va botqoqlikdan iborat bo‘lgani sababli yong‘inni o‘chirish imkoni yo‘qligini ma’lum qilgandi.

Mavzuga doir: Samarqand viloyatidagi qabristonlarning birida yong‘in chiqdi