Krishtianu Ronaldu: “Erik ten Hag bilan sovrinlarni qo‘lga kiritamiz”

Krishtianu Ronaldu “Manchester Yunayted”ning yangi bosh murabbiyi Erik ten Hag haqida o‘z fikrlarini bildirdi.

U juda tajribali murabbiy va “Ayaks”da ajoyib faoliyat olib borganini bilaman. Lekin jamoaga moslashish uchun murabbiyga vaqt kerak.

Ten Hag kerakli o‘zgarishlarni amalga oshirishi lozim. Albatta, muvaffaqiyatga erishamiz degan umiddaman. Unga eng yaxshi tilaklarimni tilayman.

Biz xursandmiz va Erik bilan ishlashni intiqlik bilan kutamiz. Buni nafaqat futbolchilar, balki muxlislar ham kutmoqda. Keyingi mavsum sovrinlarni qo‘lga kiritamiz, deb o‘ylayman.

Krishtianu Ronaldu, “Manchester Yunayted” hujumchisi

Avvalroq ten Hag Krishtianu Ronalduning “Manchester Yunayted”da qolishini istayotgani xabar qilingandi.

Erik ten Hag 2022/23-yilgi mavsumdan boshlab “qizil iblislar” boshqaruviga o‘tadi. Mankunianliklar niderlandiyalik murabbiy bilan 2025-yil iyun oyiga qadar mo‘ljallangan shartnoma imzoladi. Bitimda shartnomani yana bir yilga uzaytirish bandi ham kiritilgan.

“Manchester Yunayted” 2021/22-yilgi mavsum APLda 58 ochko bilan 6-o‘rinda bormoqda.