Toshkent shahri Sergeli tumanida 11-fevral kuni IIB xodimi yong‘in bo‘layotgan hududdan fuqaroni olib chiqib ketdi. Bu haqda shahar Ichki ishlar bosh boshqarmasi xabar qildi.
Qayd etilishicha, profilaktika katta inspektori kapitan Jamshid Toshkenboyev yordamchisi Qudratillo Mirzarayimov bilan birga “Qipchoq” mahallasini ko‘zdan kechirayotgan paytda profilaktika inspektorining telefoniga mahalladagi uylardan birida yashovchi fuqaro qo‘ng‘iroq qilib, uyida yong‘in yuzaga kelganini, yonayotgan xonadondan ayol kishi borligini aytgan.
Kapitan shu zahoti aytilgan manzilga yetib borgan. U eshikni ochganida kasalligi tufayli harakatlanishi qiyin bo‘lgan ayol hushini yo‘qotishiga oz qolganini ko‘rgan. Аyol toza havoga olib chiqilib, tez yordam yetib kelguniga qadar unga birinchi yordam ko‘rsatilgan.
Profilaktika inspektorining harakatlari sababli ko‘p qavatli uyda yong‘in tarqash xavfining oldi olingan. Mavzuga doir:- Toshkentda Milliy gvardiya harbiylari uchinchi qavat derazasida osilib qolgan 4 yoshli bolaning hayotini saqlab qoldi
- Toshkentda IIB xodimi kanalda cho‘kayotgan mast erkakni qutqarib qoldi
- Namanganda kanalda oqib ketayotgan ayolni qutqarib qolgan YPX podpolkovnigiga viloyat hokimi qimmatbaho sovg‘a topshirdi
