AeroVironment o‘zining RQ-20B Puma 3 AE kichik razvedkachi samolyotini Foreign Military Sales dasturi doirasida O‘zbekistonga taqdim etadi, deya xabar berdi Shephard nashri.
Shephard Defence Insight ma’lum qilishicha, samolyotlarning bir donasi 225 000 dollarga baholangan. Shundan kelib chiqib, O‘zbekiston ushbu samolyotlardan 38 taga yaqinini sotib olishi mumkin.
Uchuvchisiz samolyot real vaqtda tasvirlar orqali quruqlik yoki dengizdan razvedka hamda maqsadli ma’lumotlarni taqdim etadi. Samolyot AeroVironment tomonidan Mantis i45 AE Gimbal tizimi bilan jihozlangan bo‘lib, u 50x zoom (tasvirni yaqinlashtirish), IR imkoniyatlari va yuqori quvvatli yoritgichga ega ikkita 15 megapikselli kamerani o‘z ichiga oladi.
Avvalroq O‘zbekistonda uchuvchisiz uchish apparatlarini ishlab chiqarish yo‘lga qo‘yilgani haqida xabar berilgandi.
Izoh (0)