Bugun,

  • USD 11095.31
  • RUB 173.84
  • EUR 10772.44

“O‘zbekiston 24” telekanalida efirga uzatilgan “Menimcha” ko‘rsatuvida so‘nggi kunlarda ijtimoiy tarmoqlarda muhokamaga sabab bo‘lgan aeroportdagi ekspress-test narxi masalasiga ham to‘xtalib o‘tildi. Ko‘rsatuv ijodkorlari ushbu masala yuzasidan Davlat bojxona qo‘mitasi axborot xizmati xodimi Husan Tangriyev bilan bog‘landi.

Husan Tangriyev 5 AQSh dollarilik ekspress antigen testi puli nimalarga sarflanishi yuzasidan izoh berdi.

Kadr: Videodan skrinshot

Kadr: Videodan skrinshot

“15–19-yanvar kunlari respublikamizga 56 910 nafar jismoniy shaxslar kirib keldi. Ularni barchasida kamida 48 soat oldin koronavirusga topshirilgan PZR-test manfiy natijasi bo‘yicha ma’lumotnoma bo‘lgan. Lekin shunga qaramasdan 1458 nafar fuqaroda koronavirus aniqlangan.

Afsuski, mazkur tadbirlar ijtimoiy tarmoqlarda noto‘g‘ri talqin qilinmoqda. Go‘yoki respublikamizga kirib kelayotgan shaxslardan pul undirish vositasi sifatida qaralmoqda.

Shu vaqtga qadar chegara orqali harakat qilayotgan fuqarolardan koronavirus sinovlari olish jarayoni bir necha tashkilotlar tomonidan turli usullarda tashkil etilgan. Test sinovlari uchun undiriladigan to‘lovlarga ahamiyat beriladigan bo‘lsa, turlicha belgilangan. 100 ming so‘mdan 150 ming so‘mgacha.

Hozirda 31 ta chegara-bojxona postlarimizda koronavirus infeksiyasini aniqlash uchun tegishli tashkiliy chora-tadbirlar amalga oshirildi. Mazkur jarayonlarga 240 nafardan ziyod tibbiyot xodimlarini yolladik. Ma’lumotlarni axborot tizimida ro‘yxatdan o‘tkazuvchi 200 nafardan ziyod operatorlar ishga olindi. Test olish joylari zaruriy mebel, inventarlar va elektr ta’minoti bilan ta’minlandi. Jarayonga 300 dan ziyod kompyuter va printer jamlanmalari jalb etildi.

Dastlabki bosqichda 600 ming dona ekspress antigen testlar hozirlab qo‘yilgan. Koronavirus bilan kasallangan jismoniy shaxslarga davolanishlari uchun COVID-box dorilar to‘plami bepul borilmoqda. Shu maqsadda 5000 dona COVID-box to‘plamlari ajratib qo‘yilgan.

Ekspress antigen test uchun belgilangan 5 AQSh dollari ayni shu xarajatlarni qamrab olishga xizmati qiladi xalos”, – deydi Husan Tangriyev.

Eslatib o‘tamiz, 15-yanvardan boshlab O‘zbekiston aeroportlarida koronavirusga qarshi majburiy test topshirish joriy etilgandi. Ushbu tartib ortidan yo‘lovchilarga ayrim muammolarni keltirib chiqardi.

Xususan, Toshkent xalqaro aeroportida virus tarqalishi xavfini oshirgan holda test olish uchun turnaqator navbatlar yuzaga kelgani aks etgan videolar tarqaldi. “Podrobno.uz”ning yozishicha, bunga test sinovlari o‘tkaziladigan punktlar hamda valyuta ayirboshlash shoxobchalari yetarli emasligi sabab bo‘lgan.

Izoh
Asosiy yangiliklar
Dunyo
AQSH Yelsinning Ukraina haqidagi bayonotini maxfiylikdan chiqardi
Iqtisodiyot
Korrupsiya darajasi, iqtisodiy erkinlik indeksi: O‘zbekistonning xalqaro reytinglardagi o‘rni qanday o‘zgarmoqda?
Iqtisodiyot
O‘zbekistonda frilanserlik: ular qancha maosh oladi va nega ko‘paymoqda?