O‘zbekiston prezidenti Shavkat Mirziyoyev 21-yanvar kuni Toshkent shahrida amalga oshirilayotgan bir qator loyihalar bilan tanishdi. Ular orasida Zarqaynar Street Renovation loyihasi ham bor, deb xabar berdi “O‘zbekiston 24” telekanaliga tayanib “Gazeta.uz”.
Loyihada poytaxtning Eski shahar hududidagi Zarqaynar ko‘chasini ta’mirlash va “Eski shahar ruhini asrab-avaylagan holda” turistik markaz tashkil etish ko‘zda tutilgan.
2020-yilning mart oyida prezidentga Toshkentning Eski shahar qismini tarixiy sharoitda turizm va savdo hududiga aylantirish loyihasi taqdim etilgan edi.
Shavkat Mirziyoyev 2021-yil fevral oyida Eski shaharda Icheri Sheher (Ozarbayjon), Mtsxeta (Gruziya) va Eskishehir (Turkiya) eski turar joylariga o‘xshash savdo va xizmat ko‘rsatish obyektlarini qurish loyihasi bilan tanishgandi.
Loyiha Mimar Group tashabbusi bilan amalga oshirilgan. Uni moliyalashtirish, jumladan, “Asakabank”ning kredit mablag‘lari hisobidan amalga oshirilishi rejalashtirilgan. Loyiha qiymati 58,5 million dollarga baholangan. Qurilish 10 gektar maydonni egallashi kutilmoqda.
Izoh (0)