Respublika bo‘ylab davlat xizmatlari sohasida mobil ilovalarni dasturlash bo‘yicha keng ko‘lamli mGovAward tanlovi o‘tkazilmoqda.

Tanlov tashkilotchilari: IT Park, Axborot texnologiyalari va kommunikatsiyalarini rivojlantirish vazirligi, Birlashgan Arab Amirliklari hukumati, Investitsiyalar va tashqi savdo vazirligi.

Tanlovda O‘zbekistonning barcha hududlaridan oliy o‘quv yurtlari talabalari va maktab o‘quvchilari ishtirok etishi mumkin.

mGovAward tanlovini o‘tkazishdan asosiy maqsad, yoshlarning davlat bilan hamkorlikda ishlashga qiziqishini oshirish va davlat xizmatlarini rivojlantirish bo‘yicha yuqori sifatli yechimlarni ishlab chiqishdan iborat. Eng yaxshi ishlab chiqilgan yechimlar davlat muassasalarida joriy etiladi.

Ishtirokchilar quyidagi sohalardan birida yechim taklif qilishlari mumkin:

1. ta’lim;

2. sog‘liqni saqlash;

3. turizm;

4. transport va logistika;

5. tadbirkorlik;

6. ekologiya va toza energiya;

7. moliya va soliqlar;

8. qonunchilik.

Tanlov doirasida ishtirokchilar o‘z jamoalarini yig‘ishi, murabbiylardan maslahat olishi, shuningdek, boshqa ishtirokchilar bilan tanishishi va tajriba almashishi mumkin.

Avval aytib o‘tganimizdek, musobaqaning mukofot jamg‘armasi 100 000 dollarni tashkil etadi:

  • 1-o‘rin — 50 000 dollar;
  • 2-o‘rin — 30 000 dollar;
  • 3-o‘rin — 20 000 dollar.

Ishtirok etish uchun sizga kerak:

  • kamida uch kishidan iborat jamoani yig‘ish;
  • http://mgovaward.uz veb-saytida ro‘yxatdan o‘tish;
  • yo‘nalishlardan birida mobil ilovani taqdim etish;
  • ilovaning funksiyalarini tavsiflovchi videoni uch daqiqadan ko‘p bo‘lmagan davomiylik bilan yozib olish.

Arizalar 2022-yil 28-fevralgacha qabul qilinadi. Bundan tashqari, mamlakatimizning barcha hududlarida talabalar bilan oflayn rejimda uchrashuvlar tashkil etish rejalashtirilgan. Shuningdek, mobil aloqani rivojlantirishning asosiy mavzulari bo‘yicha seminar va amaliy mashg‘ulotlar o‘tkaziladi.

Yangiliklarni kuzatib boring!

Telegram: http://t.me/mgovaward

Instagram: http://www.instagram.com/uzmgovaward/

Reklama huquqi asosida.