Harbiy ansambllarda faoliyat yuritayotgan o‘zbek shou-biznesi vakillari (foto)

14-yanvar — Vatan himoyachilari kuni munosabati bilan mustaqil ijod qilish bilan birga harbiy ansambllarda ham faoliyat yuritayotgan shou-biznes vakillari bilan tanishtirishga qaror qildik

Uchqun Tillayev

O‘zbekistonda xizmat ko‘rsatgan artist Uchqun Tillayev 2006-yildan buyon Ichki ishlar vazirligi huzuridagi “Ashula va raqs” ansamblida faoliyat yuritadi. Avvaliga badiiy rahbar sifatida faoliyat yuritgan podpolkovnik Uchqun Tillayev 2014-yildan buyon ansamblning madaniyat saroyi rahbari hisoblanadi.

Dilso‘z

“Nihol” nomidagi davlat mukofoti sovrindori Dilso‘z ham Ichki ishlar vazirligi huzuridagi “Ashula va raqs” ansamblida faoliyat yuritadi.— Ishga kirganimga 8 yil bo‘ldi. Vazirlikning barcha bayram konsertlarida ishtirok etishga harakat qilaman. Harbiylar singari bizga ham aniq talablar qo‘yilgan, — deydi Dilso‘z.

Shirin Mamatova

Xonanda Shirin Mamatova ham 2010-yildan beri Davlat xavfsizlik xizmati tizimida faoliyat yuritadi. U 2019-yildan kichik serjant unvonini qo‘lga kiritgan.

Parizoda 

Aktrisa Parizoda ham Ichki ishlar vazirligi huzuridagi madaniyat saroyida to‘garak rahbari sifatida faoliyat yuritadi. Uning jajji qizlari Ichki ishlar vazirligi tomonidan o‘tkaziladigan ko‘plab konsert dasturlarida ishtirok etishadi.— Bu yerda ishlayotganimda 10 yil bo‘ldi. Ichki ishlar xodimlari bilan ishlash juda qiziq, — deydi raqqosa Parizoda.

Ruhshona

Xonanda Ruhshonaning O‘zbekiston Milliy gvardiyasi ansambliga qabul qilinganiga ko‘p bo‘lmadi. Ammo xonanda ansambl tizimida o‘tkaziladigan bayram dasturlarida faol ishtirok etmoqda.

Mashhura Ergasheva

Aktrisa Mashhura Ergasheva 15 yildan buyon Ichki ishlar vazirligi huzuridagi “Ashula va raqs” ansamblida 1-toifali xonanda va serjant sifatida faoliyat yuritadi.— Harbiy ansamblda ishlashning ham o‘ziga yarasha gashti va mashaqqati bor. Biz konsertlardan tashqari, ijodiy uchrashuvlar va targ‘ibotlarga ham boramiz. Ijodimning bir qismi vatan posbonlari bilan bog‘liq ekanligidan faxrlanaman, — deydi Mashhura Ergasheva.

Feruza Jumaniyozova

Xushovoz xonanda Feruza Jumaniyozova ham Ichki ishlar vazirligi huzuridagi “Ashula va raqs” ansamblida faoliyat yuritadi.— Ishga kirganimga ko‘p bo‘lmadi. Ammo ikki yil davomida bu jamoa bilan ishlab afsuslanganim yo‘q. Hozircha harbiy darajani qo‘lga kiritmadim. Ammo kelajakda meni bunday mukofot bilan siylashlariga ishonaman, — deydi xonanda.

Xadicha

Xonanda Xadicha ham bir muddat harbiy ansamblda faoliyat yuritgandi. Hozir esa mustaqil ijod bilan band.

Avaz Oxun

Qiziqchi Avaz Oxun ham bir necha yillardan buyon Ichki ishlar vazirligi  huzuridagi “Ashula va raqs” ansamblida faoliyat yuritadi.