Bugun,

  • USD 11095.31
  • RUB 173.84
  • EUR 10772.44

“Binga” klubi Malining nufuzi bo‘yicha ikkinchi o‘rinda turuvchi chempionatida ishtirok etadi. Mamlakat kubogidagi g‘alaba bu klub uchun xalqaro turnir — qit’aning Konfederatsiyalar Kubogiga yo‘l ochadi. Muvaffaqiyat, obro‘-e’tibor — bulardan shunchaki voz kechib bo‘lmaydi, to‘g‘rimi? Ammo hammasi ular o‘ylagandek oson emasdi.

“Binga” futbol klubi

“Binga” futbol klubi
Foto: SportBible

O‘yin boshlandi

Musobaqaning ilk saralash bosqichida “Binga”ga Liberiyaning “MC Bryuveries” klubi duch keldi. Maliliklar uyda 3:0 hisobida g‘alaba qozondi. Biroq oldinda ularni uzoq safar kutib turgandi. Yetarlicha mablag‘ yo‘qligi sabab jamoa safar o‘yiniga avtobusda borishga majbur edi. Liberiya bilan chegaragacha bo‘lgan 1 400 kilometr masofa avtobusda, raqib maydoniga qadar qolgan yo‘l esa yo‘ltanlamaslarda bosib o‘tiladi. Shuncha mashaqqatlarga yarasha “Binga” safarda ham g‘alaba qozonadi (2:0). G‘alaba qozonganiga qaramay jamoa yana ortga avtobusda qaytadi.

Deyarli omad kulgandi, biroq...

Ikkinchi bosqichda esa jamoaga go‘yoki omad kulib boqqandi. Chunki raqib “ASFA Yennega” klubi qo‘shni Burkina-Faso davlatidan edi. “Binga” o‘z uyida 0:1 hisobida yutqazadi. Qo‘shni mamlakatga safar masofasi atigi 700 kilometr tashkil etardi. Biroq Afrika futbol konfederatsiyasi (CAF) raqib maydonini o‘yin uchun yaroqsiz deb topadi va bahsni Kot-d’Ivuarga ko‘chiradi. Bu esa yana avtobus safari va 1 400 kilometr masofa degani edi. “Binga” yana bo‘sh kelmadi, jamoa nafaqat o‘yinga yetib bordi, balki penaltilar seriyasida g‘alaba qozonib keyingi bosqichga ham chiqdi.

Qur’aning ko‘zi ko‘r

Uchinchi bosqich qur’asi malilik qahramonlarni ayashni o‘ziga ma’qul ko‘rmadi. “Binga”ga 7 500 kilometr uzoqlikdagi Zambiya klubi — “Zanako” duch keldi. Ortga qaytish bilan bu 15 000 kilometr degani. Asfaltlanmagan yo‘llar orqali, yana yetmagandek avtobusda buncha masofani bosib o‘tishning deyarli imkoni yo‘q. O‘yinga bormaslik esa musobaqadan chetlatilishga va 15 ming dollar miqdoridagi jarimaga sabab bo‘ladi.

Endi nima bo‘ladi?

“Binga” klubi rahbariyatining ayni damda boshi qotgan: samolyotga ham, jarima to‘lashga ham ularda ortiqcha pul yo‘q. O‘yin esa 28-noyabrga belgilagan. Klubdagilar vujudga kelgan muammoga e’tibor qaratishlariga va bu orqali CAF’dan yordam olishga harakat qilmoqda. Ularda barchasi o‘xshashiga umid qilib qolamiz.

Izoh
Asosiy yangiliklar
Mahalliy
“Elektr ta’minotidagi uzilishlarga ko‘p duch keldim” — O‘zbekistonga ko‘chib o‘tgan IT-mutaxassis taassurotlari
Mahalliy
Shavkat Mirziyoyev Volodin boshchiligidagi Rossiya parlament delegatsiyasini qabul qildi (foto)
Dunyo
Saakashvilining organizmida margimush topildi — advokat