Mashhurlardan kimlar turli sabablarga ko‘ra ota-onasi bilan sudlashishiga to‘g‘ri kelgani haqida ma’lumot berib o‘tamiz.
Britni Spirs
Jeyms Spirs mana 13 yildirki, qizi Britniga vasiylik qiladi. Qizining hayotini nazorat qiladi, qayerda chiqish qilishi, nima qilishi kerakligini o‘rgatadi, shaxsiy hayoti bilan bog‘liq qarorlarni ham u hal qiladi. Spirs allaqachon qaylig‘i Sem Asgariga turmushga chiqib, farzandli bo‘lishni istaydi. Bundan tashqari, xonanda uni shifokor va hamshiralar uni kuzatib, dori vositalarini ichishga majbur qilishidan shikoyat qiladi. Muxlislari allaqachon uning ahvoli yaxshi emasligidan shubhalangan, ammo Britni hammasi yaxshi ekanligini aytib aldagan. “Menda hammasi yaxshi, baxtli ekanimni aytib, butun dunyoga yolg‘on gapirganman. Men buni inkor qilganman, shokda bo‘lganman”, — degan aktrisa. Ayni vaqtda otasi bilan sudlashayotgan Britni Jeyms unga boshqa vasiylik qilishini istamaydi. Ammo sal avvalroq sud uning talabini rad qilgan, bu esa sud jarayonlari hali davom etishini bildiradi.
Dryu Berrimor
Dryu taqiqlangan moddalar va spirtli ichimliklarga erta, ya’ni 10 yoshdan ruju qo‘yganini yashirmagan. Onasi buni bilib tursa ham qizini to‘xtatmagani yetmagandek, uni klublarga o‘zi bilan birga olib yurgan. 13 yoshida esa Dryuni reabilitatsiya markaziga joylashtirib, o‘z hayoti bilan ovora bo‘lib ketgan. Oqibatda Dryu sog‘ayganidan keyin onasini sudga berib, uni ota-onalik huquqidan mosuvo qilishlarini so‘ragan.
Makoley Kalkin
Makoley ham Dryu Berrimor singari erta mashhurlikka erishgan. Ota-onasi esa o‘g‘lining ortidan millionlab mablag‘larga ega bo‘lgan. Otasini o‘g‘li ma’lum bir loyihada ishtirok etishni xohlash yoki xohlamasligi qiziqtirmagan. O‘smir yoshiga yetganida esa ota-onasi ajrashishga qaror qilgan. Mana shundan keyin hammasi boshlangan, ularning har ikkisi ham badavlat farzandiga vasiylik qilish uchun kurasha boshlagan. Ammo aktyorning o‘zi hammasiga nuqta qo‘yishni istagan va ularni ota-onalik huquqidan mahrum qilishni so‘rab sudga murojaat qilgan.
Rianna
Riannaning otasi mashhur qizining ismidan foydalanib biznes qilmoqchi bo‘lgan. Xonanda undan tinch qo‘yishini va ishlariga aralashtirmaslikni so‘ragan. Shunga qaramay Ronald 2009-yilda Fenty Entertainment kompaniyasiga asos solgan va hammaga qizining nomidan rasman ish yuritgan. Bunga jim qarab turolmagan qo‘shiqchi otasini sudga bergan va unda yutib chiqqan.
Beyonse
Beyonse shou-biznesga u uchun esda qolarli obrazlar o‘ylab topgan otasi sabab kirib kelgan. Mettyu qiziga mukammal, chiroyli va iste’dodli xonanda bo‘lishi uchun vokal va sport bilan shug‘ullanishi kerakligini aytgan. San’at olamiga kirganidan keyin esa uning xizmat safarlarini otasi uyushtirgan. Keyinchalik Beyonse gonorarning asosiy qismini otasi o‘ziga olib qolayotganini bilib qolgan. Shundan keyin u otasidan o‘ziga tegishli pullarning bir qismini berishini so‘ragan, ammo Mettyu hech narsani eshitishni istamagan. Sudga berish ham bu masalaga yechim bo‘la olmagan. Yaxshi advokat yollagan otasi bu ishda yutib chiqqan.
Mavzuga doir:
Izoh (0)