Qoraqalpog‘istonning Nukus shahrida o‘zini Do‘stlik kanaliga tashlagan qiz qutqarildi, deb xabar bermoqda Milliy gvardiya matbuot xizmati.
Ma’lum qilinishicha, 10-iyun kuni soat 22:10 larda jamoat tartibini saqlashga jalb qilingan patrul yo‘nalishida xizmat olib borayotgan Milliy gvardiya harbiy xizmatchilariga Nukus shahri hududi bo‘ylab o‘tgan Do‘stlik kanaliga bir qiz o‘zini tashlagani haqida xabar kelib tushgan. Ular voqea joyiga yetib borib, o‘zini kanalga tashlagan qizni suvdan qutqargan.
Qizga o‘z vaqtida birinchi tibbiy yordam ko‘rsatilib, shahar tibbiyot birlashmasiga yetkazilgan. Dastlabki surishtiruvlar mobaynida u Qorako‘z tumanida yashovchi 2002-yilda tug‘ilgan U.T. ekanligi aniqlangan.
Xabarda aytilishicha, ayni paytda holat yuzasidan Nukus shahar IIB tomonidan surishtiruv ishlari olib borilmoqda.
Eslatib o‘tamiz, avvalroq Nukusda shunday holat 26-aprel va 19-may kuni yuz bergan. Aprelda 21 yoshli qiz, may oyida esa 16 yoshli qiz o‘zini kanalga tashlagandi. Mavzuga doir:- Toshkentdagi Bo‘rijar kanalida cho‘kib ketayotgan ikki kishini qutqarib qolgan FVV xodimlaridan biri halok bo‘ldi
- Anhor kanalida cho‘kayotgan qizni qutqargan erkakning o‘zi suvga cho‘kib ketdi
- Toshkentdagi Damashi kanalida 16 yoshli yigit cho‘kib ketdi
- Samarqanddagi suv omborida cho‘kib ketayotgan fuqaro qutqarib qolindi
- Qashqadaryoda 14 yoshli bola kanalda cho‘kib ketib, vafot etdi
