Dmitriy Gilituxa — taniqli fotograf bo‘lib, ekzotik mamlakatlarga qilgan ekspeditsiyalaridagi fotosuratlari muallifni mashhur qilgan.

Dmitriy Osiyoda 210 kun, shu jumladan, Vyetnamda bir oy bo‘lgan. Ushbu safar davomida u diqqatga sazovor joylarni suratga olgan bo‘lib, shulardan bir nechtasini e’tiboringizga havola qilamiz.

Foto: Depositphotos

Foto: Depositphotos

Foto: Depositphotos

Vyetnam Dmitriyning Osiyo bo‘ylab katta safari davomida tashrif buyurishni rejalashtirgan mamlakatlar ro‘yxatida edi. U mamlakatning janubidan shimolga sayohat qilib, kichik va rang-barang aholi punktlarida bo‘ldi. Fotosuratchi Xoshimin, Xanoy, Kan Txo kabi yirik shaharlarga ham tashrif buyurdi. Bularning barchasi uning suratlarida aks etgan.

Foto: Depositphotos

Foto: Depositphotos

Foto: Depositphotos

Foto: Depositphotos

Dmitriy o‘z sayohatini Mekong deltasi yaqinidagi suvda suzuvchi bozori bilan mashhur bo‘lgan Kay Rang qishlog‘idan boshladi. Keyin u shimolga, Xoy Anning shinam shaharchasiga bordi, u yerda mazali taomlar va yoqimli muhitdan bahramand bo‘lish uchun biroz to‘xtadi.

Foto: Depositphotos

Foto: Depositphotos

Dmitriyning sayohatidagi muhim nuqta — Halong ko‘rfazidagi Katba oroli edi. Ushbu hudud YuNESKOning Butunjahon merosi ro‘yxatiga kiritilgan. Ko‘rfaz baland manzarali toshlar bilan o‘ralgan, suvi esa kristalldek tiniq va toza.

Foto: Depositphotos

Foto: Depositphotos

Halong ko‘rfaziga butun dunyo bo‘ylab sayohatchilar ajoyib manzaralarni ko‘rish, qayiqda sayr qilish, plyajda dam olish va baliqdan tayyorlanadigan mahalliy taomlardan tatib ko‘rish uchun kelishadi.

Foto: Depositphotos

Foto: Depositphotos

Vyetnamda sayyohlar uchun barcha shart-sharoitlar yaratilgan. Hatto puli kam bo‘lgan tajribasiz sayohatchida ham ushbu mamlakat madaniyati va tabiati bilan tanishish imkoniyati mavjud. Bu yerda tunash va ovqatlanish boshqa mamlakatlarga nisbatan ancha arzon.

Foto: Depositphotos

Foto: Depositphotos

Foto: Depositphotos

Vyetnamda mustaqil holda sayohat qilish juda oson. Rivojlangan transport tizimi imkon qadar ko‘proq shaharlarni, aholi punktlarini va turistik joylarni ko‘rish imkoniyatini beradi. Masalan, uxlab ketish mumkin bo‘lgan avtobuslar mavjud bo‘lib, ularda mamlakat bo‘ylab sayohat qilish juda qulaydir.

Foto: Depositphotos

Foto: Depositphotos

Foto: Depositphotos

Fotosuratchi sifatida u Vyetnamga iyun oyida, quyoshli kunlar ko‘p vaqtda va guruch dalalari nihoyatda chiroyli bo‘lganda borishni maslahat beradi. Sayohatchi sifatida esa u yerda yashaydigan ajoyib odamlar orqali ushbu mamlakat bilan tanishishni tavsiya qiladi.