O‘zbekistondagi bir nechta tijorat banklari 21-may kuni dollar valyutasining so‘mga nisbatan kursini ko‘tardi, deb xabar bermoqda Spot.

Foto: “Daryo” / Madina Nurman

Aksariyat banklar 1 AQSh dollarini 10 590 so‘mga sotib olishni, 10 650 so‘mga sotishni taklif qilmoqda. Bu yangi maksimal ko‘rsatkich hisoblanadi.

Quyida dollarning yangi qiymatini e’lon qilgan ayrim banklar keltirilgan:

  • “Agrobank” sotib olish — 10 570, sotish — 10 650;
  • Asia Alliance Bank: sotib olish ­­— 10 590, sotish — 10 650;
  • NBU: sotib olish — 10 580, sotish – 10 640;
  • Orient Finans Bank: sotib olish — 10 535, sotish — 10 640;
  • “Savdogar bank”: sotib olish — 10 550, sotish — 10 650.

Markaziy bank fevral oyi o‘rtalaridan boshlab dollar kursini avvalgidek har hafta emas, har ish kuni e’lon qilib bormoqda. 20-may kuni e’lon qilingan ma’lumotga ko‘ra, ayni paytda dollarning qiymati 10 597 so‘mni tashkil qilmoqda.