O‘zbekistonda dollarning rasmiy kursi qatorasiga yettinchi kun ko‘tarildi

Markaziy bank 20-maydan xorijiy valyutalarning o‘zbek so‘miga nisbatan yangi qiymatini belgiladi.

Unga ko‘ra, dollarning rasmiy kursi 9,00 so‘mga ko‘tarilib, 10 586 so‘mni tashkil qildi. Yevro 5,70 so‘mga ko‘tarilib, 12 927,62 so‘m bo‘ldi.

Bundan avval dollarning rasmiy kursi 10,89 so‘mga ko‘tarilib, 10 577 so‘mni tashkil qilgandi. O‘zbekistonda ushbu valyuta kursi qatorasiga yettinchi kun ko‘tarildi. O‘zbekistondagi tijorat banklarida esa dollar kursi 10 630 so‘mga qadar ko‘tarildi. Aksariyat banklar 1 AQSh dollarini 10 540 so‘mga sotib olishni, 10 620 so‘mga sotishni taklif qilmoqda. Bu kabi vaziyat birinchi bor qayd etilyapti.