Futbol bo‘yicha Ispaniya La Ligasining 31-turida “Barselona” 22-aprel, yakshanba o‘z maydonida “Xetafe”ni qabul qildi.
Foto: Twitter
Kataloniyada kechgan bahsda mezbonlar 5:2 hisobida g‘alaba qozondi. Katalonlar safida Lionel Messi dublga erishdi, yana bir vaziyatda “Xetafe” himoyachisi Sofyan Shakla o‘z darvozasini ishg‘ol etib qo‘ydi. Jamoaning 4-golini Ronald Arauxo urgan bo‘lsa, 5-golga Antuan Grizmann mualliflik qildi. Mehmonlar safida esa Enes Unal 11 metrlik jarima zarbasini golga aylantirdi, shuningdek, “Barselona” himoyachisi Kleman Langle ham mazkur o‘yinda o‘z darvozasiga gol urdi.
Ushbu g‘alabadan keyin “Barselona”ning ochkolari soni 68 taga yetdi, jamoa 1 va 2-o‘rindagi “Atletiko” (73) hamda “Real”dan (70) 1 ta o‘yin kam o‘tkazgan holda 3-pog‘onada bormoqda.
La Liga
31-tur bahslari
22-aprel, payshanba
“Barselona” — “Xetafe” 5:2
Gollar: 1:0 – 8 Messi, 1:1 – 12, avtogol Langle, 2:1 – 28, avtogol Shakla, 3:1 – 33 Messi, 3:2 – 69, penalti Unal, 4:2 – 87 Arauxo, 5:2 – 90, penalti Grizmann.
“Barselona”: ter Stegen, Mingesa (Umtiti, 75), Alba, Pike (Arauxo, 46), Serji Roberto (Trinkau, 64), de Yong, Buskets, Pedri, Langle (Moriba, 46), Messi, Grizmann.
“Xetafe”: Soriya, Iglesias, Jene, Chema Rodriges (Miranda, 76), Suares, Maksimovich (Arambarri, 46), Kukurelya (Akurugu, 46), Kubo, Alenya (Abdulay, 46), Shakla, Anxel Rodriges (Unal, 63).
Ogohlantirishlar: Langle (6), Arauxo (68).
“Granada” – “Eybar” 4:1
Gollar: 1:0 – 21 Soldado, 2:0 – 37 Puertas, 2:1 – 64 Kike Garsiya, 3:1 – 77 Soldado, 4:1 – 81 Kenedi.
“Real Sosyedad” – “Selta” 2:1
Gollar: 0:1 – 22 Malyo, 1:1 – 25 Portu, 2:1 – 39, penalti Yanuzay.
