Futbol bo‘yicha Osiyo Chempionlar Ligasi guruh bosqichi 2-turi doirasida OKMK 18-aprel, yakshanba kuni “Istiqlol” bilan bahs yuritdi.

Foto: OFK / “Daryo”

Birinchi bo‘limning asosiy vaqti o‘rtacha tempda o‘tdi. Faqatgina hakam tomonidan qo‘shib berilgan daqiqalarda Yovan Jokich standart vaziyatda o‘z darvozasini ishg‘ol etib qo‘ydi.

Ikkinchi 45 daqiqalik esa gollarga boy bo‘ldi: dastlab 55-daqiqada Manuchexr Jalilov oradagi farqni oshirdi. Oradan ikki daqiqa o‘tgach, Zafar Polvonov burchakdan oshirilgan to‘pni boshi bilan darvozaga joylab qo‘ydi. 81-daqiqada Muhammadjon Rahimov Tojikiston klubining 3-golini urdi. Asosiy vaqtning so‘ngida Zafar Polvonov dublni rasmiylashtirdi. Ammo bu gol Mirjalol Qosimov shogirdlarini mag‘lubiyatdan qutqarib qolish uchun yetarli bo‘lmadi.

Shu tariqa Olmaliq klubi guruh bosqichining ikkinchi o‘yinida mag‘lubiyatni qabul qilib oldi. Jamoa 3-turda “Shabob Al-Ahli” bilan bahs yuritadi.

Foto: Twitter / “Daryo”

“Al-Hilol” “Shabob Ah-Ahli”dan ustun keldi. Jamoaning ochkolari 4 taga yetdi va to‘plar nisbatiga ko‘ra guruh peshqadamiga aylandi.

“Shabob Al-Ahli” safida harakat qiladigan Jaloliddin Masharipov mazkur o‘yinda qaydnomaga kiritilmadi.

OChL

Guruh bosqichi, 2-tur

18-aprel, yakshanba

OKMK — “Istiqlol” 2:3

Gol: 0:1 — 45+1 Jokich, 0:2 — 55 Jalilov, 1:2 — 57 Polvonov, 1:3 — 81 Rahimov, 2:3 — 90+1 Polvonov.

OKMK: 35.Valijon Rahimov, 20.Mirg‘iyos Sulaymonov (77.Dilshod Ahmadaliyev, 46), 8.Bobur Yo‘ldoshev, 7.Sardor Rahmonov, 2.Akrom Komilov, 23.Yovan Jokich, 17.Sanjar Tursunov ( 4.Mirjamol Qosimov, 85), 22.Sanjar Shoahmedov (18.Aleksandr Kasyan, 56), 11.Murod Toshmatov (10.Husniddin G‘ofurov, 46), 9.Zafar Polvonov, 28.Shohruh Gadoyev (94.Elvin Fortes, 72).

“Istiqlol”: 1.Rustam Yatimov, 3.Andrey Mishchenko, 6.Zoir Jo‘raboyev, 7.Huseyn Dogan, 8.Nuriddin Davronov, 10.Alisher Jalilov, 11.Muhammadjon Rahimov, 21.Aleksey Larin, 55.Manuchexr Safarov (4.Vaxdat Xanonov, 46), 63.Manuchexr Jalilov, 70.Shahrom Sulaymonov.

“Shabob Ah-Ahli”  — “Al-Hilol” 0:2.