Futbol bo‘yicha Angliya Premyer Ligasining 30-turidan o‘rin olgan bir qator o‘yinlar 3-aprel, shanba kuni bo‘lib o‘tdi.
“Manchester Siti” safarda “Lester”ga qarshi bahs olib bordi. Ikkinchi bo‘limda Benjamen Mendi va Gabriel Jezus tomonidan kiritilgan to‘plar “shaharliklar”ga g‘alaba keltirdi.
Pep Gvardiola shogirdlari ushbu g‘alabadan keyin 74 ochko bilan peshqadamlikni mustahkamladi va ikkita zaxira o‘yiniga ega “Manchester Yunayted”ni 17 ochkoga ortda qoldirmoqda. “Lester” esa (56) 3-pog‘onadan joy olgan.
Yana bir uchrashuv “Arsenal” va “Liverpul” jamoalari o‘rtasida kechdi. Bahsning birinchi bo‘limida hisob ochilmadi. Tanaffusdan keyin esa londonliklar o‘z darvozasidan uchta to‘p olib chiqdi.
64-daqiqada zaxiradan maydonga tushganiga ko‘p bo‘lmagan Diogu Jota mersisaydliklarni oldinga olib chiqqan bo‘lsa, oradan to‘rt daqiqa o‘tib Muhammad Saloh jamoasining ikkinchi to‘pini kiritdi. 82-daqiqada Jota dubl qayd etgan holda hisobni yirik ko‘rinishga olib keldi.
“Qizillar” ochkolarini 49 taga yetkazib olgan holda 5-o‘ringa ko‘tarildi. “Arsenal” (42) 9-pog‘onada bormoqda.
APL
30-tur bahslari
3-aprel, shanba
“Arsenal” — “Liverpul” 0:3
Gollar: 0:1 – 64 Diogu Jota, 0:2 – 68 Saloh, 0:3 – 82 Diogu Jota.“Arsenal”: Leno, Tirni (Soaresh, 45), Gabriel, Chembers, Holding, Parti, Edegor, Sebalyos (an-Nenni, 58), Pepe, Lyakazett, Obameyang (Martinelli, 77).
“Liverpul”: Alisson, Kabak (Uilyams, 84), Robertson (Diogu Jota, 61), Fillips, Aleksander-Arnold, Fabinyo, Milner, Saloh, Tiago Alkantara, Mane, Firmino (Veynaldum, 78).
Ogohlantirish: Diogu Jota (73).
“Lester” — “Manchester Siti” 0:2
Gollar: 0:1 – 58 Mendi, 0:2 – 74 Gabriel Jezus.“Lester”: Shmeyxel, Fofana, Evans, Kastan, Tilemans, Amarti, Olbrayton (Rikardu Pereyra, 71), Ndidi (Mendi, 83), Peres, Vardi, Iheanacho (Meddison, 72).
“Manchester Siti”: Ederson, Ruben Diash, Uoker, Mendi, Lyaport, Fernandinyo, Rodri, de Bryuyne (Foden, 88), Mahrez (Ferran Torres, 79), Aguero (Sterling, 63), Gabriel Jezus.
Ogohlantirishlar: Ndidi (32), Ederson (73), Fernandinyo (82), Amarti (87), Rodri (90).
“Lids” — “Sheffild Yunayted” 2:1
Gollar: 1:0 – 12 Harrison, 1:1 – 45 Osborn, 2:1 – 49, avtogol Jagelka.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!