Karantindagi katta yubiley: Venetsiya shahrining 1600 yilligi qanday nishonlanmoqda? (foto)

2021-yil 25-mart kuni Venetsiyaning tashkil topganiga 1600 yil to‘ldi. Koronavirus pandemiyasi tufayli karantinning ikkinchi yili davom etmoqda. Bayramlarni keng miqyosda nishonlash esa taqiqlangan. Ammo dunyoning eng go‘zal shaharlaridan birining aholisi yubileyni qay tarzda nishonlashni rejalashtirmoqda.

Ma’lumotlarga ko‘ra, Venetsiya 421-yil 25-martda tashkil topgan. Ajoyib shahar o‘zining o‘rta asrlardagi qiyofasini saqlab qolgan. Pandemiyaga qadar har yili 20 milliondan ortiq sayyoh tashrif buyurgan.

Aholi yubileyni qay tarzda nishonlashni va zavqlanishni biladi. Bu yil ham yubiley tantanalariga yuz minglab sayyohlar jalb etilgan bo‘lar edi. Ammo Venetsiya Italiyaning aksariyat mintaqalari singari qizil hududda. U yerda karantinning qat’iy chelovlariga amal qilinadi.

“Faqat zarur bo‘lganda ko‘chaga chiqish mumkin: ish, do‘kon, shifokor uchun. Boshqa sabab bilan ko‘chada yurish mumkin emas” − deydi Kristina Samilina. Bar, restoran, kafelar yopiq, faqatgina buyurtma berish mumkin.

Shaharda komendantlik soati mavjud. Kechasi soat o‘ndan tonggi beshgacha tashqariga chiqish taqiqlanadi. Bu kamida 2021-yilning 4-apreligacha amal qiladi.

Sayyohlar yo‘q, agar mehmonxonalarda bor bo‘lsa, ular ishlash uchun kelgan.

Venetsiyaliklar qoidalarga qat’iy rioya qiladi. Niqobsiz ko‘chaga chiqish mumkin emas. Shuningdek, jamoat joylarida dezinfeksiyalovchi vositalardan foydalanadi.

Santa-Lyuchiya temiryo‘l stansiyasida politsiya yo‘lovchilardan sertifikat talab qiladi. Hujjatda odamlar harakatlanish sababini, tashrif vaqti, shaxsiy ma’lumoti ko‘rsatilgan bo‘lishi shart.

Ammo Venetsiyaning yubileyi e’tiborsiz qoldirilmaydi. Shaharning rasmiy saytida ta’tilda soat 11 da San-Marko bazilikasida ommaviy marosim o‘tkazilishi aytilgan. Odamlarning ko‘p bo‘lishiga yo‘l qo‘ymaslik uchun televizion translyatsiya va Facebook’da jonli efir tashkil etiladi.

Soat 16:00 da esa Venetsiyaning barcha ibodatxonalari qo‘ng‘iroqlar bilan bayram kunini eslatadi. Kechki soat 06:30 da “Rai 2” milliy telekanalida shahar tarixi va madaniyati haqida hikoya qiluvchi maxsus dastur boshlanadi.

Yubileyga Grand kanal qirg‘oqlarini bog‘laydigan mashhur Rialto ko‘prigi bayramona tarzda bezatilgan.

Venetsiya hukumati yubiley tantanalari butun yil mobaynida davom etishiga qaror qildi.

Mer Luiji Brugnaro butun dunyo bo‘ylab Venetsiyaga bag‘ishlangan tadbirlarni − uning tarixi, arxitekturasi, san’ati, taniqli insonlarini 2022-yil 25-martgacha butun dunyo miqyosida o‘tkazishga chaqirdi. Bu konferensiya, seminar, ko‘rgazma, namoyish va ekskursiyalar bo‘lishi mumkin.

Shahar hokimligi bunday loyihalarni axborot bilan ta’minlashga tayyor. Buning uchun qo‘mita tashkil etilib, uning tarkibiga madaniyat, san’at xodimlari, ishbilarmon, siyosatchi, xayriya tashkiloti va ijtimoiy muassasa vakillari kirdi.

Hozirda kalendar bo‘yicha 235 ta tadbir loyihalari mavjud. Masalan, 11-sentabrdan 27-martgacha “Venetsiya − tug‘ilish va qayta uyg‘onish” ko‘rgazmasi bo‘lib o‘tishi ma’lum qilingan.