San-Marko maydonida yasan-tusan qilgan olomon, gondolalarda sayr qilayotgan sayyohlarni uchratmaysiz, karnaval kostyumlaridagi sanoqli kishilargina Venetsiyada an’anaviy karnaval boshlanganidan darak beradi. G‘ayrioddiy bayram manzaralari Reuters fotojamlanmasida aks ettirilgan.
Venetsiyada karnaval ilk bora onlayn tarzda bo‘lib o‘tmoqda.
Bayram uchun dam olish kunlari teng yarmiga qisqartirildi.
Og‘ir epidemik vaziyat tufayli asosiy tadbirlar bekor qilindi.
Bu yil “Mariy paradi”ning eng chiroyli ishtirokchisi 100 metrlik qo‘ng‘iroq minorasidan olomon ichiga tushadigan “farishta parvozi” ham bo‘lmaydi.
Olomon, shovqinli bayram va namoyishlar ham to‘xtatilgan.
Bayram multimedia tadbirlari shaklida bo‘lib o‘tadi.
Ijtimoiy tarmoqlarda bolalar, o‘spirinlar va qariyalar uchun mo‘ljallangan “virtual xonalar” tashkil etildi.
Karnaval kostyumidagi odam Muqaddas Mark maydonida.
Yosh ishtirokchilar uchun spektakl va interaktiv hikoyalar, o‘spirinlar uchun chellenj va inflyuenserlar bilan uchrashuvlar tashkil qilingan.
Nafaqaxo‘rlar uchun eng chiroyli niqob va intervyular uchun tanlovlar mavjud.
Venetsiyadagi niqob do‘konining egasi.
Bayram tadbirlari shahar televideniyesi va ijtimoiy tarmoqlardagi akkauntlar orqali namoyish etiladi.
Venetsiya karnavalida bayram niqobi va libosidagi odamlar.
