Qachonlardir uchrashganini ko‘pchilik bilmaydigan yulduzli juftliklar (foto)

Mashhurlar hayotini ko‘z-ko‘z qilishni yoqtiradi, deb o‘ylaganlar yanglishadi. Ulardan ayrimlari munosabatlarini ovoza qilmasligi, kim bilandir pinhona uchrashib, yana muxlislarga bildirmay, imi-jimida ajrashib ketishi ham mumkin.

Jastin Timberleyk va Jenna Devan

Britni Spirs bilan ajrashganidan keyin xonanda raqqosa Jenna Devan bilan uchrashgan. Bu haqida keyinchalik Jennaga uylangan Chenning Tatum ma’lum qilgan.

Nik Kennon va Kim Kardashyan

Kanye Uest bilan turmush qurgunicha Kim Kardashyan 2006-yilning sentabridan 2007-yilning yanvar oyigacha Nik Kennon bilan uchrashgan.

Eshton Kutcher va Jenyuari Jons

Eshton Mila Kunis bilan turmush qurgunicha Jenyuari bilan uchrashgan. Jons bergan intervyularidan birida uning sobiq qallig‘i uni aktrisa sifatida qo‘llab-quvvatlamaganini ma’lum qilgan. Aktrisa yigitining ismini aytmagan, ammo boshlovchi Kutcher nomini tilga olganida u ekanini tasdiqlagan.

Madonna va Tupak Shakur

Madonnaning Maykl Jekson, Shon Penn va Gay Richi bilan uchrashgani haqida hamma biladi, ammo reper Tupak bilan munosabatda bo‘lgani ko‘pchilikka ma’lum emas. 1993-yil Soul Train Music Awards taqdirlash marosimidan keyin tanishgan juftlik turli irqqa mansub ekani sabab munosabatlariga nuqta qo‘ygan.

Dryu Berrimor va Kristian Beyl

Yulduzlar uchrashishni boshlaganida juda ham yosh bo‘lgan. Tez boshlangan munosabatlar shunchalik tez nihoyasiga yetgan. Bunga Dryuning narkotik vositalar va spirtli ichimliklarga mukkasidan ketgani sabab bo‘lgan.

Natali Portman va Mobi

Ancha avval uchrashgan juftlikning munosabatlari uzoqqa bormagan. “Yulduzlar jangi” muxlislariga Lyuk Skayuokerning onasi qandaydir didjey bilan uchrashib yurgani yoqmagan. Bir necha oydan keyin mashhurlarning har ikkisi o‘z yo‘lidan ketgan.

Tom Kruz va Sher

80-yillarda xonanda Sher 18 yoshli Tom Kruz bilan uchrashgan. U Tomga nisbatan hamisha iliq munosabatda bo‘lgan va unga bo‘lgan hurmatini yashirmagan.