Farg‘ona shahridagi oziq-ovqat do‘konida yong‘in kelib chiqdi. Bu haqda “Daryo”ga viloyat favqulodda vaziyatlar boshqarmasi axborot xizmati ma’lum qildi.
Qayd etilishicha, 2021-yilning 8-fevral kuni soat 03:00 da Farg‘ona shahar “Barkamol” MFY, Yangi asr ko‘chasi 32-uyda joylashgan “Gulshan” oziq-ovqat savdo do‘konida yong‘in kelib chiqqan.
Dastlabki ma’lumotlarga ko‘ra, yong‘inga elektr simlarining qisqa tutashuvi sabab bo‘lgan bo‘lishi mumkin. Hodisa oqibatida tan jarohati olganlar yo‘q.
Yong‘in tegishli kuch vositalari yordamida o‘z vaqtida bartaraf etilib, savdo do‘konining 120 kvadrat metr qismi saqlab qolingan.
Mavzuga doir: Gulistondagi “Eski bozor” hududida joylashgan qassobxonada yong‘in chiqdi (video)
Samarqandda hali qurib bitkazilmagan xonadonda portlash sodir bo‘ldi
