O‘zbekiston hududiga 21—23-yanvar kunlari G‘arbiy Qozog‘iston orqali Rossiya (Moskva viloyati) Yevropa qismining markaziy hududlari ustida shakllangan sovuq va nam havo massalari kirib keladi, deb xabar bermoqda “O‘zgidromet”.
21-yanvar, payshanba kuni Qoraqalpog‘istonda, Xorazm viloyatida va kechga tomon Buxoro, Navoiy viloyatlarining ba’zi joylarida yog‘ingarchilik (yomg‘ir, qor) bo‘ladi.
22-yanvar, juma kuni respublika hududlari bo‘yicha yog‘ingarchilik (yomg‘ir, qor) bo‘ladi, tog‘oldi va tog‘li hududlarda qor, ba’zi joylarda kuchli qor yog‘adi. Qoraqalpog‘istonda, Xorazm viloyatida yog‘ingarchilik kutilmaydi.
21—22-yanvar kunlari shamol 17—22 metr/sekundgacha kuchayishi kutilmoqda, ba’zi joylarda 25—28 metr/sekundgacha yetadi.
22—23-yanvar kunlari havo harorati kechalari 5—10 daraja sovuqqacha, kunduz kunlari 0—5 daraja sovuqqacha; shimolda kechalari 12—15 daraja sovuqqacha, kunduz kunlari 5—8 daraja sovuqqacha pasayadi.
22—23-yanvar kunlari o‘rtacha kecha-kunduzlik havo harorati me’yordan 8—10 darajaga past bo‘ladi.
Yo‘llarda yaxmalak bo‘lishi mumkin.
Eslatib o‘tamiz, “O‘zgidromet” haftaning birinchi yarmida havo bahoriy iliq bo‘lishi, ammo hafta oxirlariga borib qishki ob-havo mamlakatga qaytishini ma’lum qilgandi.
