Oilaviy miriqib tomosha qilinadigan “Kichkintoy sayrga chiqdi” komediyasining premyerasi 1994-yilda bo‘lib o‘tgan. Komediya suratga olinayotgan vaqtda bosh qahramon egizak Adam va Jeykob 9 oylik edi. Bugun o‘sha Bu rolini ijro etgan aktyorlar 26 yoshda. Ushbu komediyani tomosha qilmagan va bolakayni yoqtirib qolmagan odam bo‘lmasa kerak.

Foto: “vk.com”

Hammasi qanday boshlangan?

Bolalarning onasi – Syuzan Uorton oddiygina uy bekasi bo‘lib, butun vaqtini bolalarining tarbiyasiga bag‘ishlagan edi. Ayol shirintoy bolalarining kun kelib yulduz bo‘lishini istagandi. Chunki Syuzan “Egizaklar onasi” guruhining a’zosi edi. 26 yil avval u yerga suratga olinajak “Kichkintoy sayrga chiqdi” komediyasining bosh qahramonini topish uchun rasmiy so‘rov kelib tushgan.

Foto: “anews.com”

Shunisi e’tiborga loyiqki, dastlab kichkintoy Buning roliga bolalar qidirilganida, ular kuniga 4 soatdan ko‘p ishlay olmasligi va buning natijasida suratga olish ishlari uzoqqa cho‘zilishi inobatga olingan.

Foto: “Kinopoisk”

Rejissor shuning uchun ham filmning premyerasini kechiktirilishini xohlamagan va buning yechimini topgan. U egizak bolalarning almashib rol ijro etishi vaqtni tejashini tushunib yetgan va bosh qahramon uchun bir xil egizak bolalarni izlashga qaror qilgan.

Foto: “Kinopoisk”

Syuzan Uorton o‘z omadini sinab ko‘rishga qaror qilib, kastingga egizak chaqalog‘ining fotosuratini yuboradi. Oradan bir hafta o‘tgach, Adam va Jeykob Uorton kichik Buning roliga tasdiqlangani haqida xabar kelgan. O‘sha vaqtda ular endigina 9 oylik edi. Ammo egizaklar o‘z vazifasini muakammal darajada uddalagan, film esa nafaqat Amerikada, balki boshqa mamlakatlarda ham muvaffaqiyatga erishgan.

Foto: “Kinopoisk”

Foto: Getty Images

Komediyadan keyingi hayot

Ko‘plab rejissorlarning taklifiga qaramay, egizaklar boshqa filmlarda suratga tushmagan. Hozirda ular aktyor bo‘lish nimaligi va unga qanday amal qilishni bilmaydi. Ularning onasi Syuzan farzandlari uchun mashhurlikdan uzoq bo‘lgan oddiy hayotni tanlagan.

Foto: “hdkino.co”

Aktyorlar Adam va Jeykob o‘rta maktabni muvaffaqiyatli tamomlab, Delaver universitetiga o‘qishga kirgan. Yigitlar bir-biriga o‘xshash bo‘lgani bilan, hayotga qarashi turlicha.

Foto: “Kinopoisk”

Adam Robert o‘quvchilik paytidan beri moda olamiga qiziqib kelgan. U dizaynerlikda o‘qib yurgan vatqidayoq ilk to‘plamini taqdim etgan. Diplomga ega bo‘lgach, o‘z kasbida jiddiy faoliyat yurita boshlagan. Adam zamonaviy kiyimlar yaratadi, Yevropa bo‘ylab sayohat qiladi. U moddiy jihatdan ancha oyoqqa turib olgan. Ijtimoiy tarmoqlarni faol ravishda qo‘llab-quvvatlovchi Adam hali oila qurmagan.

Foto: “Kinopoisk”

Jeykob Jozef esa ota kasbini tanlashga qaror qilgan. U bolaligidanoq mazali taom tayyorlashni va oshxonada tajriba qilishni yaxshi ko‘radi. U ota-onasidan o‘rnak olgan holda ular bilan maslahatlashib ish tutadi. Kelajakda Jeykob restoran biznesi bilan shug‘ullanishni rejalashtirgan va o‘z orzusini hanuzgcha o‘zgartirmagan. Hozirda kichik Uorton kasalxonada oshpaz bo‘lib ishlaydi. Shuningdek, restoran boshqaruvini xotirjamlik bilan o‘z zimmasiga olishi mumkinligini ham istisno qilmaydi. Bundan tashqari, Jeykob allaqachon novvoy bo‘lib ishlab, o‘ziga xos shirinliklar ishlab chiqargan. Kichik Uorton ham hali oila borasida o‘ylab ko‘rmagan.

Foto: “Kinopoisk”

9 oyligida mashhurlikka erishgan egizaklarni bugun hech kim eslamas, hatto tanimas ham. Ammo ular o‘z maqsadlariga ommaning e’tiboriga tushmasdan ham erishdi.