Bugun,

  • USD 11095.31
  • RUB 173.84
  • EUR 10772.44

Rossiyaning Astraxan viloyati qishloq xo‘jaligi vaziri va O‘zbekiston vakillari videokonferensiya shaklida o‘tgan uchrashuvda mehnat migratsiyasi sohasidagi hamkorlik masalalarini muhokama qildi. Bu haqda “Astraxan” yangiliklar portali xabar berdi.

Foto: “Astraxan” yangiliklar portali

Foto: “Astraxan” yangiliklar portali

Ma’lum qilinishicha, Astraxan viloyatida qonuniy ishlayotgan mehnat migrantlari soni bo‘yicha O‘zbekiston birinchi o‘rinni egallab turibdi. O‘zbekiston vakillari Astraxan viloyati mamlakatning eng muhim hamkori ekanligini ta’kidladi va mazkur viloyat bilan kelgusida hamkorlikni rivojlantirish rejalashtirilayotganini bildirdi.

Astraxan qishloq xo‘jaligi vazirining so‘zlariga ko‘ra, 2021-yilda viloyat qishloq xo‘jaligi ishlariga 10 ming mehnat migrantini qabul qilishga tayyor. Shuningdek, qurilish va baliqni qayta ishlash sohalariga ham ishchilarga talab mavjud.

Uchrashuv chog‘ida tomonlar mehnat migratsiyasi sohasida hamkorlik bo‘yicha qo‘shma rejani belgilab olishga kelishdi.

Eslatib o‘tamiz, Rossiyadagi qurilish ishlarida ishlash uchun 249 nafar O‘zbekiston fuqarosi 12-noyabr kuni Irkutsk va Amurga jo‘nab ketgandi.

Avvalroq Rossiyaning Kemerovo shahri aeroporti qurilishida ishlash uchun 164 nafar O‘zbekiston fuqarosi 6-noyabr kuni charter reys orqali jo‘nab ketgani haqida xabar berilgandi. Shuningdek, sentabr oyida “Gazprom” zavodi atrofidagi qurilishlarda ishlash uchun 231 nafar, Amur viloyatidagi zavod qurilishida ishlash uchun 346 nafar o‘zbekistonlik Rossiyaga jo‘nab ketgandi.

Izoh
Asosiy yangiliklar
Mahalliy
“Elektr ta’minotidagi uzilishlarga ko‘p duch keldim” — O‘zbekistonga ko‘chib o‘tgan IT-mutaxassis taassurotlari
Dunyo
“Sirli odam” — Murali Lal Jalanning Minerva City bo‘yicha intervyusi bahslarga sabab bo‘lmoqda. Lal Jalan aslida kim?
Sport
Bobur Abduxoliqov Belarusda mavsumning eng yaxshi to‘purari va eng yaxshi futbolchisi sovriniga ega chiqdi