Bugun,

  • USD 11095.31
  • RUB 173.84
  • EUR 10772.44

Qozog‘istonda karantin cheklovlarini kuchaytirish bo‘yicha bir qator yangi qarorlar qabul qilindi. Bu haqda Tengrinews xabar berdi.

Foto: Tengrinews

Foto: Tengrinews

Ma’lum qilinishicha, 19-oktabr kuni Qozog‘iston bosh vaziri Asqar Mamin raisligida koronavirus tarqalishining oldini olish bo‘yicha idoralararo komissiya yig‘ilishi bo‘lib o‘tgan.

Hukumat rahbarining qayd etishicha, mamlakat aholisi koronavirus xavfiga qarshi yetarlicha hushyorlik ko‘rsatmayapti, ijtimoiy masofaga va sanitariya talablariga, ayniqsa, jamoat joylarida va transportda niqob taqish qoidalariga rioya qilinmayapti. Asqar Mamin aholi orasida tushuntirish ishlarini olib borish va sanitariya talablariga rioya qilish bo‘yicha ishlarni kuchaytirish bo‘yicha topshiriq berdi.

Idoralararo komissiya qaroriga asosan bir qator chora-tadbirlar belgilandi. Xususan, chegara punktlarida sanitariya-epidemiologiya nazorati kuchaytiriladi. 26-oktabrdan boshlab xorijiy davlatlardagi epidemiologik vaziyatga bog‘liq ravishda xorijiy aviareyslar soni kamaytiriladi. Qozog‘istonga kelayotgan barcha fuqarolar, shu jumladan, Qozog‘iston fuqarolari ham majburiy tartibda PZR testi topshirishi kerak. Test topshirganlik haqidagi ma’lumotnoma 3 kun davomida amal qiladi. Shuningdek, 19-oktabrdan hududiy laboratoriyalarda PZR testining narxi arzonlashtirildi.

Shu bilan birga, epidemiologik vaziyat yaxshi bo‘lgan hududlarda 24-oktabrdan boshlab shanba kunlari savdo-ko‘ngilochar markazlari, savdo uylari va yopiq bozorlarning ishi qayta tiklanadi. 26-oktabrdan kinoteatrlar tomoshabinlar sig‘imi 30 foizdan oshmagan holda ish boshlaydi.

Maktabgacha ta’lim muassasalari, bilyard va kompyuter klublari, ko‘ngilochar muassasalar, banket zallari, tungi klublar faoliyatiga qo‘yilgan cheklovlar saqlab qolinadi. Viloyatlararo yo‘lovchi tashishga va umumiy vagonlardan foydalanishga qo‘yilgan taqiqlar ham o‘z kuchida qoladi.

Avvalroq Qozog‘iston poytaxti Nur-Sultonda aholi orasida COVID-19 kasalligi tarqalishi ortib borayotganligi tufayli 14-oktabrdan boshlab yangi cheklov va karantin choralari joriy etilgani haqida xabar berilgandi.

Izoh
Asosiy yangiliklar
Mahalliy
Prezident tashrif buyurgan Andijon tumanidagi 55-maktab — suratlarda 
Mahalliy
Slovakiyaning O‘zbekistondagi yangi elchisi tayinlandi
Mahalliy
“Andijonda 127 ming nafar ishsiz fuqaro mavjud. Har yili yana 50 ming nafar yoshlar mehnat bozoriga kirib keladi” — prezident