Koronavirus pandemiyasi boshlanganidan buyon yo‘llardagi tirbandliklar hamda haydovchilar mashina ichida maqsadsiz o‘tkazadigan vaqt ham sezilarli darajada kamaydi, deb yozadi Motor.
Foto: Motor
Vanarama Britaniya lizing kompaniyasi dunyoning aholisi eng ko‘p shaharlarda haydovchilar pandemiya tufayli qancha vaqt tejaganini hisoblab chiqdi. Navigatsiya tizimlaridan olingan ma’lumotlarga ko‘ra, pandemiya davrida Hindistonning Nyu-Dehli shahri haydovchilari eng ko‘p vaqt tejagan. Ular 2020-yilning mart oyidan iyul oyigacha 79 soat yoki uch kundan ko‘proq vaqt tejagan.
Parij haydovchilari ushbu muddatda 69 soat, undan so‘ng San-Paulu shahri haydovchilari 63 soat vaqt tejagan.
Nyu-York aholisi pandemiya davrida 58 soat bo‘sh vaqtga ega bo‘ldi, Los-Anjelesda esa ushbu ko‘rsatkich 43 soatni tashkil etdi.
Odatiy transport harakatining kamligi shaharlardagi havo tozaligiga ham ta’sir ko‘rsatdi.
Nyu-Dehli, San-Paulu va Pekindagi ko‘p qavatli uylar kutilmagan ravishda toza holida saqlandi.
Biroq karantin yumshatilgan iyul oyidan yo‘llardagi tirbandlik darajasi 17 foizga o‘sdi.
