Bugun,

  • USD 11095.31
  • RUB 173.84
  • EUR 10772.44

Navoiy viloyati Konimex tumanida yo‘lda uxlab qolgan Nexia avtomobili haydovchisi YTH sodir etdi. Oqibatda 10 yoshli bola qurbon bo‘ldi, deya xabar bermoqda IIV YHXBB axborot xizmati.

Foto: IIV YHXBB

Foto: IIV YHXBB

Ma’lum qilinishicha, 2020-yilning 1-sentabr kuni soat 12:18 larda, Navoiy viloyati Konimex tumani hududidan o‘tuvchi A-379 Navoiy–Zarafshon–Uchqududuq avtomobil yo‘lining 85-86 kilometrlar oralig‘ida, Zarafshon–Navoiy yo‘nalishida, haydovchi, 1994-yilda tug‘ilgan Y.B. Nexia rusumli avtomobilni boshqarayotib, charchoq oqibatida uxlab qolib boshqaruvni yo‘qotgan. Natijada transport vositasi yo‘lning o‘ng tomoniga chiqib ketib ag‘darilgan.

Oqibatda Nexia rusumli avtomobil yo‘lovchisi 2010-yilda tug‘ilgan G.N. og‘ir tan jarohatlari olib shifoxonada vafot etgan.

Foto: IIV YHXBB

Foto: IIV YHXBB

Mazkur YTH yuzasidan Konimex tumani IIB huzuridagi TB tomonidan dastlabki tergovoldi surishtiruv harakatlari olib borilmoqda.

Foto: IIV YHXBB

Foto: IIV YHXBB

“Barcha haydovchilardan charchoq holatida transport vositasini boshqarib o‘zi va o‘zgalar hayotini xavf ostiga qo‘ymasliklarini so‘rab qolamiz. Sizning qoidabuzarligingiz kimningdir o‘limiga yoki butun umr nogiron bo‘lib qolishiga sabab bo‘lishi mumkin”, – deyiladi YHXBB xabarida.

Izoh
Asosiy yangiliklar
Mahalliy
“Daryo” kundaligida 2-dekabrda sodir bo‘lgan eng muhim voqealar
Mahalliy
“Ifloslantiruvchi to‘laydi” tamoyili, “yashil sertifikatlar”, energiya ulushini kamaytirish: Mirziyoyev “yashil” iqtisodiyot taqdimoti bilan tanishdi
Dunyo
Britaniya razvedkasi Rossiya Ukrainadagi urushda quruqlikdan hujum qilolmayotgani sababini tushuntirdi