“Barselona” hujumchisi Lionel Messi klubni tark etishga qaror qilganining asosiy sabablaridan biri ma’lum bo‘ldi.

Mundo Deportivo xabariga ko‘ra, bu vaziyatda Messining Luis Suares bilan do‘stligi hal qiluvchi omil bo‘lgan.

Avvalroq jamoaning yangi bosh murabbiyi Ronald Kuman Suaresga qo‘ng‘iroq qilib, uning xizmatlariga ehtiyoj sezmayotganini aytgandi.

Ta’kidlanishicha, Chempionlar Ligasidan o‘rin olgan “Bavariya”ga qarshi o‘yindan (2:8) so‘ng Messi va Suares argentinalikning uyida bo‘lishgan va jamoaning kelajagi borasida turli xil ssenariylarni o‘rganishgan. Kuman Suaresga ishonmayotganini xabar qilgach esa, Messi “Barselona”ga xat yuborib klubni tark etish istagini bildirgan.