“Alfa Invest” sug‘urta kompaniyasi hatto karantin davrida ham sug‘urta hodisalari bo‘yicha barcha to‘lovlarni amalga oshirgan holda, kompaniya mijozlari oldidagi majburiyatlarini o‘z vaqtida bajarib kelmoqda.
2020-yil 1-yanvardan 1- iyungacha bo‘lgan davrda sug‘urta kompaniyasining majburiy va ixtiyoriy sug‘urta turlari bo‘yicha to‘lovlari miqdori 5,08 mlrd so‘mni tashkil etdi. Shuning 3,65 mlrd so‘mi — TVEFJMS va KASKO bo‘yicha kompensatsiyalardir.
Alohida e‘tibor Buxoro va Navoiy viloyatlarida yuz bergan tabiiy ofatlar oqibatida kelib chiqqan sug‘urta hodisalariga tezkor ravishda xizmat ko‘rsatishga qaratildi. Qisqa vaqt ichida “Alfa Invest” kompaniyasida sug‘urtalangan fuqarolar va tadbirkorlarning mulklari, transport vositalari, shuningdek qurilish-montaj ishlari holatlari bo‘yicha sug‘urta hodisalari yuzasidan kelib tushgan arizalar bo‘yicha 500 mln so‘mdan ziyod to‘lovlar amalga oshirildi.
Buxoro viloyatida sodir bo‘lgan kuchli shamol oqibatida zarar ko‘rgan mol-mulkni tiklash uchun viloyatdagi to‘qimachilik sanoatining yirik eksportchilaridan biriga 425,5 mln so‘m miqdorida sug‘urta to‘lovi to‘lab berildi. Bu esa korxonaga resurslarni tejash va zarar ko‘rmasdan ishlashni davom ettirishga imkon berdi.
Sug‘urta kompaniyasining ustuvor vazifasi – o‘z mijozlarini moliyaviy yo‘qotishlardan himoya qilish va har qanday vaqtda ishonchli tirgak bo‘lishdir.
“Alfa Invest” — qaltisliklardan himoyada sizning birinchi hamkoringiz!
Reklama huquqi asosida.
Izoh (0)