AQShda koronavirus infeksiyasi bilan kasallanish bo‘yicha qayd etilayotgan yangi holatlar sezilarli darajada kamaymoqda. Bu haqda mamlakat prezidenti Donald Tramp o‘zining Twitter’dagi sahifasiga yozib qoldirdi.

“Qo‘shma Shtatlarning barcha hududi bo‘ylab koronavirusga chalinish holatlari sezilarli darajada kamaymoqda, ayrim istisnolardan tashqari”, — deb yozadi Amerika yetakchisi.

Trampning so‘zlariga ko‘ra, mazkur ma’lumot o‘zi uchun yaxshi yangilik hisoblanadi.

May boshida Tramp AQShda koronavirusga qarshi vaksinaning qachon paydo bo‘lishi haqida gapirgan va amerikalik olimlarning COVID-19 bilan kurasha oladigan vaksina 2020-yil oxirigacha yaratilishini taxmin qilgan.

So‘nggi ma’lumotlarga ko‘ra, AQShda koronavirus bilan kasallanganlar soni 1,4 million kishidan oshgan, virus qurbonlari soni esa qariyb 90 ming kishiga yaqinlashgan.