O‘zbekistonda 150 mingga yaqin kishi koronavirus bo‘yicha testdan o‘tkazilgan. Yaqin orada bu raqamlar yarim millionga yetkaziladi. Bu haqda 21-aprel kuni AOKA huzurida tashkil etilgan shtabda bo‘lib o‘tgan brifingda Koronavirusga qarshi kurash shtabi a’zosi Habibulla Oqilov tomonidan ma’lum qilindi.
Mavzuga doir: O‘zbekistonda yaqin vaqt ichida koronavirus bo‘yicha test o‘tkazish yarim millionga yetkazilishi aytildi
Olingan testlarning soni kelgusida maksimal oshirilishi hisobigagina karantin shartlarini yumshatish mumkinligi aytildi. Virus yuqtirganlarning soni kundalik ravishda Sog‘liqni saqlash vazirligi sayti hamda ommaviy axborot vositalarida e’lon qilib borilayotgani ta’kidlandi.Eslatib o‘tamiz, O‘zbekistonda karantin tartibi 10-mayga qadar uzaytirilgan.
Yangi e’lon qilingan karatnin tartibiga muvofiq, nodavlat tibbiyot tashkilotlariga barcha talablarga rioya qilgan holda hududiy sanitariya-epidemiologik osoyishtalik markazlari rahbarlari tomonidan imzolanadigan shartnoma asosida 2020-yil 1-sentabrga qadar koronavirus infeksiyasini laborator tekshirish bo‘yicha pullik tibbiy xizmat ko‘rsatishlariga ruxsat berilishi ham ma’lum qilingan.
