4-aprel kuni yulduzli juftlik Beyonse va Jey-Zi nikoh to‘yining 12 yilligini nishonladi. Xonanda Beyonsening onasi Tina Noulz Instagram’ida juftlikni ushbu muhim sana bilan tabriklab, qizi va kuyovining avval hech qayerda e’lon qilinmagan to‘y surati bilan bo‘lishdi, deb yozadi Harper’s Bazaar.

Suratda baxtiyor juftlikning yo‘lak bo‘ylab yurib kelayotgani, orqa fonda esa ruhoniy Rudi Rasmusning kelin-kuyov baxtiyorligiga sherik bo‘lib, kulib turganini ko‘rish mumkin.

“Bey, Jey, yubiley muborak”, ­— deb yozib qoldirgan Tina.

“Nazarimda, bu ikkovi kechagina mehrob tomon qadam qo‘ygandi, bugun esa oradan 12 yil o‘tib, ushbu kun go‘zal xotiraga aylandi. Sevgi va bir-biridan ajoyib uch farzand — g‘oyat zo‘r”, — deb qo‘shimcha qilgan Jey-Zining qaynonasi.