UFC bo‘yicha yengil vazn chempioni Habib Nurmagomedov va Toni Fergyuson o‘rtasidagi 18-aprel kuni AQShda bo‘lib o‘tishi kerak bo‘lgan jang bekor qilindi. Bu haqda UFC rasman ma’lum qildi.
Jang Nyu-York shahrida bo‘lib o‘tishi rejalashtirilgan edi. Biroq koronavirus pandemiyasi sabab jang ko‘chirildi.
Bunga UFC prezidenti Deyna Uayt hazil aralash munosabat bildirdi.
Uayt Twitter’ga jang Oyda tashkil etilishi haqidagi suratni joylab, “Barcha tayyorlansin”, deya izoh qoldirgan.
Suratda SpaceX kompaniyasi rahbari Ilon Mask va UFC sharhlovchisi Jo Rogan ham tasvirlangan. Avvalroq Deyna mazkur jangni tomoshabinlarsiz bo‘lsa ham o‘tkazishini ma’lum qilgandi.
Izoh (0)