O‘zbekiston Ichki ishlar vazirligi va hududiy boshqarmalar tizimida bir qator tayinlovlar amalga oshirildi. Bu haqda vazirlik tomonidan xabar berildi.
Ma’lum qilinishicha, Qoraqalpog‘iston Respublikasi ichki ishlar vazirining jamoat tartibini saqlash bo‘yicha o‘rinbosari, podpolkovnik Omonboy O‘rinboyev O‘zbekiston Respublikasi IIV Patrul-post xizmati va jamoat tartibini saqlash bosh boshqarmasi boshlig‘ining birinchi o‘rinbosari — jamoat tartibini saqlashni tashkillashtirish boshqarmasi boshlig‘i lavozimiga tayinlandi.
Vazirlikning xabar berishicha, u 2019-yilning martidan buyon Qoraqalpog‘iston Respublikasi ichki ishlar vazirining jamoat tartibini saqlash bo‘yicha o‘rinbosari lavozimida ishlab kelayotgandi.
Ichki ishlar vazirining burug‘iga asosan, polkovnik Muzaffar Muhammadjonov IIV Nazorat-taftish inspeksiyasi boshlig‘i lavozimiga tayinlangan. Tayinlovga qadar Muzaffar Muhammadjonov Sirdaryo viloyati IIB boshlig‘ining o‘rinbosari — moliya va moddiy-texnika ta’minoti boshqarmasi boshlig‘i lavozimida faoliyat yuritgan.
Podpolkovnik Azimjon Xoliqov Buxoro viloyati IIB boshlig‘ining jamoat tartibini saqlash bo‘yicha o‘rinbosari lavozimiga tayinlandi. Tayinlovga qadar Azimjon Xoliqov Buxoro tumani ichki ishlar bo‘limi boshlig‘i lavozimida ishlab kelayotgan edi.
Podpolkovnik Sherzod Ibragimov Navoiy viloyati IIB boshlig‘ining jamoat tartibini saqlash bo‘yicha o‘rinbosari lavozimiga tayinlandi. Bunga qadar u Navoiy viloyati IIB Patrul-post xizmati va jamoat tartibini saqlash boshqarmasi boshlig‘i lavozimida ishlagan.
Podpolkovnik Habibulla G‘oziyev Sirdaryo viloyati IIB boshlig‘ining o‘rinbosari — moliya va moddiy-texnika ta’minoti boshqarmasi boshlig‘i lavozimini egalladi. Habibulla G‘oziyev yangi lavozimga o‘tishidan oldin IIV Moliya va moddiy-texnika ta’minoti bosh boshqarmasi, Moliya-iqtisod boshqarmasida Ish haqini me’yorlash bo‘limi boshlig‘i lavozimida ishlagan.
Polkovnik Ismoil Himmatov Surxondaryo viloyati IIB boshlig‘ining o‘rinbosari — moliya va moddiy-texnika ta’minoti boshqarmasi boshlig‘i lavozimiga tayinlandi. Tayinlovga qadar Ismoil Himmatov IIV Huquqbuzarliklar profilaktikasi bosh boshqarmasi, Voyaga yetmaganlar va yoshlar o‘rtasida huquqbuzarliklar profilaktikasi faoliyatini tashkil etish hamda jamoatchilik uyushmalari bilan hamkorlik qilish boshqarmasi, Jamoat uyushmalari bilan hamkorlik qilish bo‘limi boshlig‘i lavozimida faoliyat olib borgan.
Izoh (0)