WhatsApp messenjeri endilikda Windows Phone operatsion tizimi hamda eskirgan Android va iOS versiyalarida ishlamaydi, deb xabar berdi Daily Mail.
Foto: GoTechUG
2019-yil 31-dekabrdan keyin Windows Phone’da xabarlar almashinuvi servisi o‘chadi. Android 2.3.7. va iOS 8 operatsion tizimida ishlaydigan qurilmalarni esa 2020-yil 1-fevraldan qo‘llab-quvvatlash to‘xtatiladi. Ma’lumotlarga ko‘ra bu millionlab foydalanuvchilarga ta’sir ko‘rsatadi.
Messenjer Android 4.0.3 va iOS 9’dan boshlanadigan operatsion tizimlarda ishlaydi. Kompaniyadagilarning aytishicha, mazkur cheklovlar “kelgusida dastur imkoniyatlarini kengaytirishning iloji yo‘qligi” bilan bog‘liq.
Mavzuga doir: Mark Sukerberg WhatsApp va Instagram’ni alohida ajratib yuborish to‘g‘risidagi taklifga munosabat bildirdi
Avvalroq Isroil firmasi WhatsApp orqali kamida 20 mamlakat rasmiy shaxslarini kuzatgani ma’lum bo‘lgandi.
