Venetsiyada bir necha kun bo‘lgan isroillik 46 yoshli sayyoh Rialto ko‘prigi atrofidagi valyuta almashish punktini ayol xodimi bilan garovga oldi. Bu haqda Meduza xabar berdi.
Foto: Fox News
Manbaga ko‘ra, sayyoh valyuta almashish punktiga kelib, shu yerda ishlovchi ayol xodimga 100 dollarni yevroga almashtirib berishini so‘raydi. Biroq, u olingan summadan qoniqish hosil qilmay, operatsiyani bekor qilishni talab etadi. Bunga ham kifoya qilmay, almashish punkti xodimi bilan xonaga qamalib oladi.
Isroillik turist pardalarni tushirib, ayolga yarim soatdan ko‘proq chiqishga izn bermagani aytilmoqda. Shunga qaramay pulni qaytara olmaydi. Unga odam o‘g‘irlashga urinishda ayblov e’lon qilindi.
