Millatlararo tinchlik va totuvlikka yo‘l

“Olimpiada men uchun muhabbat, tinchlik va xalqlar birdamligidir” – degan edi mashhur sport va kino ustasi Jeki Chan. Darhaqiqat, sport xalqlarni bir-biriga yaqinlashtiradi va ayni asosda, keng miqyosda xalqlar o‘rtasida tinchlikka ko‘prik sifatida xizmat qiladi.

7 yoshdan 70 yoshgacha

23-iyun Xalqaro Olimpiya kunining 70 yilligi munosabati bilan Milliy olimpiya qo‘mitasi tashabbusi va O‘zbekistonda innovatsion qurilish kompaniyalardan biri bo‘lgan Real House brendi bosh homiyligida poytaxtimizning “Milliy” stadionida Olympic Day milliy marafoni o‘tkazildi. Tadbir 7 yoshdan 70 yoshgacha bo‘lgan nomdor va havaskor yengil atletikachilar, sport ixlosmandlari va yurtimiz estradasi yulduzlarining o‘zaro ishtirokida ikki bosqichda yuqori saviyada bo‘lib o‘tdi.

G‘alaba nashidasi

Tadbirning kunduzgi qismida bir necha yosh yo‘nalishlari va yengil atletikaning bir necha turlari bo‘yicha musobaqalar tashkil etildi va g‘oliblar aniqlanib, tadbirning bosh homiysi Real House brendi va Milliy olimpiya qo‘mitasining esdalik sovg‘alari bilan taqdirlandi.

Yulduzli shou

Olympic Day tadbirining ikkinchi qismi kech soat 18:00 da sportchilarning qizg‘in chiqishi bilan davom ettirildi. Tadbirning ko‘ngilochar qismida “Milliy” stadionda yig‘ilgan ko‘p sonli tomoshabinlar e’tiboriga el suygan san’atkorlar va o‘zbek shou-biznesi namoyondalari ishtirokida konsert dasturi va futbol-shousi namoyish etildi. Yulduz Usmonova, Tohir Sodiqov, Rayhon va boshqa bir nechta el ardoqlagan san’atkorlar ishtirokidagi tadbir tashrif buyurganlarga xush kayfiyat ulashdi.

Tadbirning yakunlovchi qismi futbol-shousi g‘olib jamoasiga tadbirning bosh homiysi Real House brendi va Milliy olimpiya qo‘mitasining esdalik sovg‘alari topshirilishi jarayoni bilan yakunlandi.

Yurtimizda sport xayrixohlari ko‘paysin!

Olympic Day kabi ijtimoiy-madaniy tadbirlarning tez-tez o‘tkazilishi, albatta, o‘sib kelayotgan yosh avlod ongida sportga muhabbatni shakllanishiga ko‘p jihatdan xizmat qilishi turgan gap. Ayni turdagi tadbirlarning yuqori saviyada o‘tishi, albatta, tadbir tashkilotchilarining mashaqqatli mehnati va homiylik tashkilotlarining xayrixohligiga ko‘p jihatdan bog‘liq. Tadbirning bosh homiysi Real House brendi respublikamizda sportning rivojlanishi uchun xayrixoh brendlarning eng ilg‘ori desak mubolag‘a bo‘lmaydi.

Biz bilan suhbatda Real House brendi marketing menejeri Baxtiyor Abduvahobov kompaniya olimpiyada sportini qo‘llab quvvatlash orqali kelajakda Vatanimizdan yanada ko‘proq Olimpiyada chempionlari yetishib chiqishiga o‘z hissasini qo‘shishdan mamnun ekani va kompaniya kelajakda olimpiya sportining rivoji uchun sport sohasidagi boshqa tadbirlarni ham qo‘llab-quvvatlashda davom etishga tayyor ekanini ta’kidlab o‘tdi.

Real House brendi qurilish sohasida yosh va innovatsion brendlardan biri bo‘lib, bugungi kungacha poytaxtimizning go‘zal qiyofasini yaratish bo‘yicha bir qancha muvaffaqiyatli turar uy-joy loyihalarini (xususan, “Oydin”, “Parizod”, “Yulduz”, “Navbahor”, “Poytaxt gavhari”, “Mirobod” turar uy-joy komplekslari shular jumlasidan) yakunlab, o‘z foydalanuvchilariga topshirib kelmoqda.

Agar yurtimizda sportni qo‘llab-quvvatlovchi mana shunday jonkuyar tashabbuskorlar va xayrixoh homiylar soni oshsa, nasib etsa, Tokio-2020 Olimpiyadasi O‘zbekiston Olimpiyadasi bo‘ladi.

Reklama huquqi asosida