JCh—2018. Germaniya tarixda ilk bor Jahon Chempionatida guruhdan chiqa olmadi

Biroz oldin futbol bo‘yicha Rossiyada bo‘lib o‘tayotgan Jahon Chempionati “F” guruhida 3-tur o‘yinlariga yakun yasaldi.

Germaniya terma jamoasi Janubiy Koreyaga mag‘lub bo‘lib guruhda qolib ketdi.

Yoaxim Lyov jamoasi guruhda 3 ochko bilan so‘nggi o‘rinni egalladi.

Nemislar tarixda ilk bor Jahon Chempionati guruh bosqichidan chiqa olmadi. 1954-yilan boshlab Germaniya o‘zi ishtirok etgan barcha mundiallarda guruhdan chiqa olgan edi. Bu orada jamoa 4 bor Jahon chempioni bo‘lgan, 4 marta ikkinchi o‘rinni olgan va 4 bora yarim finalgacha yetib kelgan, shuningdek, 4 marta 1/4 finalga chiqa olgan.