Bugun,

  • USD 11095.31
  • RUB 173.84
  • EUR 10772.44

Jinoyat ishlari yuzasidan olib borilayotgan tergov harakatlari davomida alohida shaxslar jinoyat ishlariga aloqadorlarning qarindoshlari ishonchiga kirib, ularni jinoyat ishlarini ijobiy hal etish uchun pora berish zarurligi haqidagi yolg‘on ma’lumotga ishontirib, firibgarlik yo‘li bilan ularning pul mablag‘lari va moddiy boyiklarini qo‘lga kiritayotganliklari holatlari aniqlanmoqda. Bu haqda O‘zbekiston Bosh prokuraturasi 25-aprel kuni bayonot berdi.

Xususan, javobgarlikka tortilmasligini go‘yoki mansabdor shaxslarga pora berish orqali ta’minlash evaziga ayblanuvchi Ya.M.ning 200 ming dollar miqdoridagi pul mablag‘larini yuqori qayd etilgan yo‘l bilan qo‘lga kiritgan fuqaro A.Sarkisyan 2018-yil 22-aprel kuni Bosh prokuratura tomonidan qo‘lga olingan.

Boshqa bir holat: 2016—2017-yillar davomida F.Andreyev, R.Rafiqov, D.Mashkovskiy uchta jinoyat ishi bo‘yicha ayblanayotganlarning qarindoshlari ishonchiga kirib, ularga jinoiy javobgarlikdan ozod etilish va oqlanishni va’da qilgan. Buning uchun mansabdor shaxslarga 150 ming dollar miqdorida pora berish kerakligi haqida aytib ularni aldagan, firibgarlik yo‘li bilan umumiy hisobda 50 ming dollar va 20 million so‘mga yaqin pulni qo‘lga kiritgan.

Bosh prokuratura axborotida ayblanuvchining ham, uni aldab, pullarini qo‘lga kiritish gumoni bilan ushlangan shaxsning ish joylari, lavozimlariga aniqlik kiritilmagan.

Avvalroq Bosh prokuratura tomonidan Hi-Tech Bank mutasaddilari qamalmasligini ta’minlash evaziga ulardan 500 ming dollar miqdorida pora olgan shaxslar qo‘lga olingani haqida xabar berilgan edi.

“Hurmatli fuqarolar, jinoyat ishlariga aloqador shaxslarning yaqinlari va qarindoshlari! Qayd etib o‘tilgan salbiy holatlardan kelib chiqib, Bosh prokuratura hushyor bo‘lishga, yolg‘on va’dalarga ishonmaslikka, bu kabi kimsalarning to‘riga tushib qolmaslikka chaqiradi va bunday holatlar haqida O‘zbekiston Bosh prokuraturasi ma’lum qilishni so‘raydi”, — deyiladi idora axborotida.

Izoh: Bosh prokuratura axborotida keltirilgan ism-shariflar va initsiallar tergov manfaatlaridan kelib chiqib o‘zgartirilgan.

Izoh
Asosiy yangiliklar
Dunyo
Turkiyada deputatlar davlat budjeti muhokamasida mushtlashdi (video)
Mahalliy
Namangandagi ko‘mir mashmashasi: aholi uchun ko‘mir sotib olish — ovoragarchilik, rahbarlar esa ko‘mirga talab uning sifati yaxshiligidan demoqda (video)
Mahalliy
Toshkentda zo‘ravonlikka qarshi kurash bo‘yicha xalqaro anjuman — suratlarda