Bugun,

  • USD 11095.31
  • RUB 173.84
  • EUR 10772.44

O‘zbekistonda rasmiy tashrif bilan bo‘lib turgan Qirg‘iziston prezidenti So‘ranbay Jeenbekov O‘zbekiston Prezidentining Ko‘ksaroy qarorgohida bo‘lib o‘tgan muzokaralar yakunida Prezident Shavkat Mirziyoyevga Qirg‘izistonning “Danaker” ordenini topshirdi.

Foto: O‘zbekiston Prezidenti matbuot xizmati

Foto: O‘zbekiston Prezidenti matbuot xizmati

Ordenni topshirish jarayoni “O‘zbekiston 24” telekanali orqali jonli efirda namoyish etildi.

Eslatib o‘tamiz, Shavkat Mirziyoyevni Qirg‘izistonning “Danaker” ordeni bilan mukofotlash to‘g‘risidagi hujjat Qirg‘izistonning avvalgi prezidenti Almazbek Atambayev tomonidan noyabr oyida imzolangan edi.

Shavkat Mirziyoyev Qirg‘iziston va O‘zbekiston o‘rtasida strategik sherikchilik munosabatlarini o‘rnatish hamda an’anaviy do‘stlik va yaxshi qo‘shnichilik aloqalarini mustahkamlash yo‘lidagi ulkan shaxsiy hissasi uchun taqdirlangan.

“Danaker” ordeni bilan xalqlar o‘rtasida tinchlik, do‘stlik va hamkorlikni mustahkamlash ishiga katta hissa qo‘shgan shaxslar mukofotlanadi. Ordenning orqa tomoni oltin bilan qoplangan.

Qirg‘izistonning ushbu davlat mukofoti bilan taqdirlanganlar orasida Rajab Toyyib Erdo‘g‘on, Dmitriy Medvedev, Xitoy tashqi ishlar vaziri Van I, jahonga mashhur violenchelchi Yo Yo Ma kabilar bor.

Izoh
Asosiy yangiliklar
Sport
Eldor Shomurodov Turin klubidan jiddiy taklif kutayotgani ma’lum bo‘ldi
Mahalliy
O‘zbekistonda 3-dekabr kuni ob-havo yog‘ingarchiliksiz, lekin tumanli bo‘lishi kutilmoqda
Mahalliy
Toshkent tumanining Qozog‘iston bilan chegaradosh hududlaridagi xonadonlar buzilib, chegarani mustahkamlash obyektlari quriladi