“Dinamo” 10 ta o‘yindan keyin gol urdi, “Nasaf” Farg‘onada yirik hisobda zafar quchdi

Futbol bo‘yicha O‘zbekiston Oliy Ligasining 24-turidan joy olgan 5 ta uchrashuv natijasi ma’lum.

Qarshining “Nasaf” klubi o‘z tarixida ilk bor Farg‘onadan yirik g‘alaba bilan qaytdi — 3:0. Bungacha “Nasaf” Farg‘onada uch bor zafar quchgan bo‘lib, barchasida 1 ta gol ustunligi qayd etilgandi. “Neftchi” uchun sharmandali mag‘lubiyat esa Vadim Abramov murabbiyligiga to‘g‘ri keldi.

“Neftchi” 8 yildan buyon o‘z maydonida Qarshi klubini mag‘lub eta olmaydi, deb yozdi “Championat.asia” nashri. 2017-yilga kelib Farg‘ona jamoasi “Nasaf”ga gol ura olmadi: 0:2, 0:3.

Namanganning “Navbahor” klubi esa peshqadam “Lokomotiv”ga imkoniyatni boy berdi. O‘z maydonida mag‘lubiyat nima ekanini bilmay kelayotgan Ilhom Mo‘minjonov jamoasi, 2-davra startidan buyon ilk bor gol ura olmadi. So‘nggi bor ular 15-turda Qarshiga borib, “Nasaf”ga 0:4 hisobida imkoniyatni boy bergan o‘yindagina gol ura olmagandi.

Samarqandning “Dinamo” klubi esa 10 ta tur deganda gol urdi. Bungacha raqiblar postiga yo‘l topa olmay kelayotgan jamoa o‘sha 1 ta goli bilan 3 ochkoni qo‘lga kiritdi. “Olmaliq” futbolchisi maydondan chetlatilishi bilan “Dinamo” hisobda oldinga chiqib oldi.

O‘zbekiston Oliy Ligasi 24-tur bellashuvlari 13-oktabr, juma

“Dinamo” — “Olmaliq” 1:0

“Mash’al” — “So‘g‘diyona” 0:0

“Neftchi” — “Nasaf” 0:3

“Lokomotiv” — “Navbahor” 2:0

“Qizilqum” — “Obod” (texnik g‘alaba)

14-oktabr, shanba“Metallurg” — “Bunyodkor” — 15:30“Sho‘rtan” — “Buxoro” — 16:30“Paxtakor” — “Qo‘qon—1912” — 17:00