“Annigilyatsiya” treyleri: Natali Portman noma’lum ishlar sodir bo‘layotgan anomal hududni tadqiq etishga otlandi (video)

Paramount Pictures studiyasi bosh rolni Natali Portman ijro etgan “Annigilyatsiya” filmining treylerini namoyish etdi. Kartinaga Ex Machina filmini suratga olgan Aleks Garlend rejissorlik qilmoqda, deb xabar berdi Meduza.

Filmda hukumatning maxfiy tashkiloti tomonidan anomal hududga yuborilayotgan ekspeditsiya haqida so‘z boradi. Ushbu ekspeditsiyalarning barchasi omadsiz yakunlanadi. Hududda bosh qahramon ayolning turmush o‘rtog‘i yo‘qolib qoladi va u uch nafar olima ayol hamrohligida yangi ekspeditsiya tashkil etadi.

Filmning jahon premyerasi 2018-yilning fevral oyiga rejalashtirilgan.