Boston marafonidagi teraktda bir oyog‘idan ajralgan qiz o‘z qutqaruvchisiga turmushga chiqadi

2013-yilda Boston marafoni vaqtida yuz bergan portlashda jabrlangan Rozanna Sdoa uni halokat joyidan qutqarib chiqqan qutqaruvchiga turmushga chiqadi. Bu haqda Fox News nashriga asoslanib, “Gazeta.ru” xabar berdi.

37 yoshli o‘t o‘chiruvchi Mayk Materia qizni tez yordam mashinasida kasalxonagacha kuzatib bordi. Ikki kun o‘tgach, Mayk qizni ko‘rish uchun bordi va uning onasiga tasavvur qilib bo‘lmas taassurotlarini so‘zlab berdi. Bo‘lib o‘tgan voqea natijasida qiz bir oyog‘idan ayrilgan.

2013-yil iyunidan boshlab ular yaqin juftlikka aylandi. O‘tgan oyda Mayk Rozannaga turmush qurish taklifini bildirdi. Mart oyida ular “Ideal notanishlar” nomli kitobni taqdim etishni rejalashtirmoqda. Bu kitob marafonda yuz bergan terakt vaqtida to‘qnashgan to‘rt taqdir haqida hikoya qiladi.

2013-yil 15-aprelda Bostondagi marafonda yuz bergan terakt natijasida uch kishi vafot etgan va 280 ga yaqin kishi turli darajadagi tan jarohatlarini olgan edi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.