Janubiy Koreya samolyotining Xanti-Mansiyskda favqulodda qo‘nishiga tutun detektorining yolg‘ondan ishlab ketishi sabab bo‘lgan bo‘lishi mumkin
Janubiy Koreyaning Asiana Airlines aviakompaniyasiga tegishli Boeing 777 samolyotining Xanti-Mansiysk (Rossiya)da favqulodda qo‘nishiga tutun detektorining yolg‘ondan ishlab ketishi sabab bo‘lgan bo‘lishi mumkin. Bu haqda, Asiana Airlines aviakompaniyasiga asoslanib, “TASS” xabar bermoqda.
“Tutun detektorining yolg‘ondan ishlab ketishi hodisaga sabab bo‘lgan bo‘lishi mumkin”, – dedi aviakompaniya vakillaridan biri. Samolyotning favqulodda qo‘nishining aniq sababini aniqlash uchun to‘liq surishtiruv o‘tkazilishi kerakligi ta’kidlanmoqda.
Bortida 199 yo‘lovchi va 15 ekipaj a’zosi bo‘lgan Boeing 777 Inchxon xalqaro aeroportidan London shahriga yo‘l olayotgan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
