Saudiya shahzodasi neft narxining tushishi tufayli keng ko‘lamli islohotlarni tayyorladi

Saudiya Arabistoni merosxo‘r shahzodasi Muhammad ibn Salmon neftning past narxiga bardosh berish uchun  iqtisodiy islohotlarning keng ko‘lamli rejasini tayyorladi, deya xabar bermoqda “RBK”.

Shu haftada yuqori lavozimli mansabdorlar, biznesmenlar va iqtisodchilar ishtirokidagi majlisda taqdim etilgan strategiya davlat xarajatlari islohotini va xususiylashtirish bo‘yicha rejani o‘z ichiga oladi.

Islohotlarga muvofiq, mamlakat moliya vazirligi yangi loyihalarga faqat Iqtisodiy va savdo-sotiq taraqqiyoti kengashi roziligi bilan mablag‘ kiritadi. Kengashni Salmonning o‘zi boshqaradi. Kengash qabul qilgan qarorlar Saudiya Arabistoni sharoitidan kelib chiqadi.