Internetda iPhone 6S’ning yangi suratlari paydo bo‘ldi (foto)

Fransiyaning “Nowhereelse.fr” nashri yangi iPhone 6S fotosuratlarini e’lon qildi, deya xabar bermoqda “Korrespondent.net”. Suratlarni Xitoyning mobil telefonlarni ta’mirlashga ixtisoslashgan GeekBar kompaniyasi taqdim etdi.

Tashqi jihatdan iPhone 6S o‘zidan avvalgi smartfonga o‘xshash. Biroq u Force Touch barmoq bosilishini tanib olish texnologiyali yangilangan displeyga ega bo‘lishi mumkin.

Force Touch bungacha Apple Watch va so‘nggi MacBook’da ham qo‘llanilgan.

Smartfonda ekranni himoyalovchi yoqut oyna bo‘lish-bo‘lmasligi hozircha noma’lum, buni fotosuratdan aniqlash imkoni yo‘q.