Beeline aloqa operatori mijozlar bilan to‘g‘ridan-to‘g‘ri muloqot olib borish uchun yaratilgan bosh direktorning shaxsiy pochta qutisining bir oylik faoliyatini sarhisob qilmoqda. 6-maydan 6-iyunga qadar kompaniya abonentlari GD@beeline.uz manzili bo‘yicha 200 ga yaqin elektron xat yuborib, Aleksandr Vorobyovning shaxsan o‘zidan javob oldi. Bu haqda Beeline matbuot xizmati xabar berdi.
“Abonentlarning faolligi va nafaqat muammolar, balki yaxshi taassurotlari bilan ham ulashishlari meni quvontirdi, — deydi kompaniya bosh direktori Aleksandr Vorobyov. — Mijozlarga xizmat ko‘rsatish bo‘yicha savollar, turli xil innovatsiyalarni joriy qilish takliflari kelib tushdi. Rostini aytsam, bu loyiha boshlanganida eng asosiy mavzu aloqa sifati va mobil internet haqida bo‘lishini kutgandim, biroq reytingning birinchiligini simli internet egalladi, shuning uchun biz bu yo‘nalishdagi ishlarni kuchaytirdik”.
GD@beeline.uz elektron manziliga yuborilgan bir dona xat ham javobsiz qolmadi, qator murojaatlar bo‘yicha esa aniq masalalarni yechish borasida kerakli rahbar va mutaxassislar jalb qilindi.
Eslatib o‘tamiz, GD@beeline.uz elektron manzili doimiy ravishda amal qiladi va kompaniya yozuvlarning maxfiyligini kafolatlaydi.
Izoh (0)