Россия ва Украина ўртасидаги можарода АҚШнинг собиқ раҳбари Жо Байден айбдор. Бу ҳақда АҚШ президенти Дональд Трамп Truth Social ижтимоий тармоғида билдирди.
“Россия ва Украина ўртасидаги уруш – бу Байденнинг уруши, меники эмас. Мен бу ерга яқиндагина келдим ва тўрт йиллик президентлигим даврида бундай ҳолатнинг олдини олишда ҳеч қандай муаммога дуч келмадим. Мен бу можарога ҳеч қандай алоқадор эмасман, лекин ўлим ва вайронагарчиликни тўхтатиш учун бор кучим билан ҳаракат қиляпман”, деб ёзди Қўшма Штатлар раҳбари.
Бундан ташқари, у Украина президенти Владимир Зеленский ва Байден “жуда ёмон иш қилгани”ни таъкидлаган. Трампнинг айтишича, бу можаронинг олдини олишнинг кўплаб усуллари бор эди, бироқ энди Киев режими раҳбарини тўхтатишга мажбур қилиш керак.
“Агар 2020 йилги президентлик сайловлари сохталаштирилмаган бўлганда, аслида шундай бўлган, кўп жиҳатдан бу даҳшатли уруш ҳеч қачон юз бермас эди. Президент Зеленский ва фирибгар Жо Байден бу масхарабозликнинг бошланишига йўл қўйиб, мутлақо даҳшатли иш қилишди. Унинг бошланишига йўл қўймасликнинг кўплаб усуллари бор эди. Лекин бу ўтмишда қолди. Энди биз буни тез фурсатларда тўхтатишимиз лозим. Жуда ачинарли!”, дейди Дональд Трамп.
Дональд Трамп Россиядан урушни якунлаш бўйича музокараларни тезроқ бошлашни талаб қилганди. Бундан олдин эса Трамп Байден маъмуриятини АҚШ ва Россия муносабатларини ёмонлаштиришда айблаганди.
