АҚШ Киевга Россияга ён бериш кераклиги ҳақида сигналлар юбормоқда, деди Украина президенти Владимир Зеленский Politico нашрига берган интервьюсида.
Зеленскийнинг таъкидлашича, президент Дональд Трамп ундан Украина ён бериши кераклигини айтган.
“Трамп томонидан сигнал берилди. Унда шундай дейилади: ‘Энди ён бериш вақти келди. Баъзи қадамларни ташлашингиз керак’. Биз кўплаб компромиссларга бордик. Путин ва унинг дўстлари ҳибсда эмас. Бу эса дунё қабул қилган энг катта компромиссдир,” деди Зеленский.
Трумп Россия урушни якунлаш бўйича келишув хоҳлашини ва Зеленский ҳам шундай хоҳишни билдириши лозимлигини айтди.
Украина раҳбари Қўшма Штатлар босими остида Киев ҳар қандай шартларсиз ўт очишни тўхтатишга рози бўлган, лекин Россия бу таклифни рад этган.
“Ўйлайманки, Путин ҳам қийин аҳволда. Мен у билан гаплашишим, қўл сиқишим мумкин. Мен бундан қўрқмайман. Шундай вазиятда турибман. Эркин одамман. Мен Путиндан ёшроқман, шундай эмасми? Йўқ-йўқ, ишончингиз комил бўлсин, бу муҳим. Унинг вақти кўп эмас”, деган Украина президенти.
The New York Times манбаларга таяниб, АҚШ президент маъмурияти Украинага Донбасс бўйича ён беришлар қилиш ва можарони ёз бошига қадар тугатиш учун босимни кучайтираётгани ҳақида хабар берган эди.
Financial Times эса Трамп маъмурияти Киевдан 15 майга қадар президентлик сайловлари ва Россия билан тинчлик шартномаси шартлари бўйича референдум ўтказишни талаб қилмоқда. Акс ҳолда, Украина Қўшма Штатлар томонидан тақдим этилган хавфсизлик кафолатларини йўқотиши мумкин.
